“Gall Cymru gystadlu â gêm gorfforol Iwerddon”

Diweddarwyd am  
Chris Gunter

Chris Gunter

Llun: Jon Candy trwy Gomin Wicimedia

Mae cefnwr de tîm pêl-droed Cymru, Chris Gunter yn mynnu y gall ei dîm gystadlu â dull corfforol Gweriniaeth Iwerddon o chwarae’r gêm.

Bydd y ddwy wlad yn mynd ben-ben yng Nghynghrair y Cenhedloedd yn Nulyn nos Fawrth, ond fe fydd rhaid i Gymru ymdopi heb Gareth Bale, sydd â blinder yn ei gyhyrau.

Fe fydd y Gwyddelod yn ceisio gwneud yn iawn am y golled o 4-1 yng Nghaerdydd fis diwethaf.

Ac fe fydd Cymru’n ceisio taro’n ôl ar ôl iddyn nhw golli o 4-1 yn erbyn Sbaen yng Nghaerdydd nos Iau.

Dywedodd Chris Gunter, “Dros gyfnod hir o amser, dw i ddim yn credu bod modd cyfeirio at ddiffyg brwydr na dyhead ymhlith y garfan hon.

“Fe wnaethon ni ildio goliau cynnar ac fe gadwodd Sbaen y bêl. Roedd yn edrych yn waeth nag yr oedd.

“Fe fydd Iwerddon ychydig yn fwy corfforol, ond ry’n ni wedi sefyll lan iddyn nhw o’r blaen ac fe allwn ni edrych yn ôl ar y profiadau hynny gan wybod y gallwn ni ymdopi â nhw.”

David Brooks

Un sy’n awyddus i ailadrodd ei berfformiad campus yw David Brooks, a ddaeth i’r cae fel eilydd yn yr ail hanner yn erbyn Sbaen.

Roedd ei gyflymdra’n ormod i’r Sbaenwyr, wrth iddo gynorthwyo gôl Sam Vokes yn y funud olaf un.

Dywedodd, “Rhaid i chi deimlo’n hunanhyderus i ddod ymlaen a gwneud gwahaniaeth.

“Fe wnes i drio mynd ymlaen cymaint â phosib gan obeithio gwneud argraff.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd