Aston Villa wedi diswyddo Steve Bruce cyn herio Abertawe

 

Llun: CC0

Mae Clwb Pêl-droed Aston Villa wedi diswyddo’u rheolwr Steve Bruce ychydig dros bythefnos cyn iddyn nhw groesawu Abertawe i Barc Villa yn y Bencampwriaeth.

Tra bod yr Elyrch yn chweched gydag 17 o bwyntiau, mae Aston Villa’n ddeuddegfed gyda 15 o bwyntiau – ac fe allai penodi rheolwr newydd ar yr adeg hon roi momentwm i’r Saeson ar drothwy’r gêm ar Hydref 20.

Maen nhw wedi ennill tair gêm allan o 11 y tymor hwn o dan y rheolwr sydd â’r record orau o blith rheolwyr presennol yr adran am sicrhau dyrchafiad i Uwch Gynghrair Lloegr o’r Bencampwriaeth.

Yn y gorffennol, mae e wedi ennill dau ddyrchafiad gyda Hull a dau gyda Birmingham, ac fe ddaeth o fewn trwch blewyn i sicrhau’r pumed gydag Aston Villa y tymor diwethaf, cyn colli yn rownd derfynol y gemau ail gyfle.

Roedd e wrth y llyw am ddwy flynedd, gan ddisodli Roberto di Matteo yn 2016, ond roedd ei swydd yn ansicr ar ôl i berchnogion newydd gamu i mewn.

Cafodd ei feirniadu droeon gan y cefnogwyr y tymor hwn, fodd bynnag, a’r penllanw neithiwr pan daflodd cefnogwr fresych ato wrth i’r tîm fethu cic o’r smotyn a gorffen yn gyfartal 3-3 yn erbyn Preston.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd