“Gallwn ni ymdopi yn yr Uwch Gynghrair,” meddai Neil Warnock

 
Wyneb Neil Warnock yn edrych i'r camera

Neil Warnock

Llun: pgcedave111 CCA3.0

Gall tîm pêl-droed Caerdydd ymdopi yn Uwch Gynghrair Lloegr, yn ôl y rheolwr Neil Warnock.

Daw ei sylwadau ar ôl iddo wylio’i dîm yn colli eu gêm gyntaf o 2-0 yn Bournemouth brynhawn Sadwrn.

Ychydig iawn o gyfleoedd gafodd y Cymry i sgorio, ac fe ildion nhw goliau i Ryan Fraser a Callum Wilson i golli cyfle i ddechrau eu hymgyrch yn gryf.

Bu bron i’r Adar Gleision unioni’r sgôr i 1-1 yn yr ail hanner diolch i’r capten Sean Morrison ar ôl i Callum Wilson fethu o’r smotyn yn yr hanner cyntaf.

‘Dim byd i’w ofni’

Yn ôl Neil Warnock, mae angen i’w chwaraewyr gredu y gallan nhw gystadlu ar y lefel uchaf.

“Dw i’n credu ar ddechrau’r gêm fod un neu ddau yn nerfus ond wrth i’r gêm fynd rhagddi, roedden ni’n meddwl, “Uffern dân, dyw e ddim mor dda â hynny, nac ydy?”

“Does dim byd gyda ni i’w ofni, wir.

“Ychydig yn fwy clinigol, ychydig mwy o safon mewn rhai llefydd, a dw i’n credu y gallen ni fod wedi’u profi nhw dipyn mwy, ond fe fydd gwaith yn cael ei wneud ar hynny.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd