Y Bala eisiau sefydlu eu hunain yn Ewrop

 

Colin Caton, rheolwr tim pêl-droed Y Bala

Llun: Clwb Pêl-droed Y Bala

Bydd clwb pêl-droed Y Bala yn cychwyn am yr Eidal ddydd Mercher (Mehefin 27) i gwrdd â Tre Fiori yn rownd gyn-ragbrofol Cynghrair Ewropa.

Mae Tre Fiori yn chwarae yn San Marino, ond bydd gêm nos Iau yn cael ei chwarae yn nhref Forli oherwydd bod stadiwm Tre Fiori ddim ar gael.

Mae rheolwr Y Bala, Colin Caton, yn sicr mai cael rhediad yn Ewrop basa cyflawniad mwyaf y clwb hyd yn oed yn fwy na ennill Cwpan Cymru.

“Pe bai’r Bala yn mynd drwodd, mi fasa’n wych i bawb yn y clwb a heb os ac ni bai fy nghyflawniad mwyaf ym myd pêl-droed,” meddai wrth golwg360.

“Mae’n eithaf rhwystredig dros y blynyddoedd bod ni fel clwb heb allu aros yn Ewrop. I fod yn onest, mae’n fy ngwylltio i.

“Dw i wir yn gobeithio y bydd pethe’n wahanol y to hwn. Mi wnawn ni bob dim allwn ni i fynd drwodd.”

Mae’r gystadleuaeth wedi cael ei hail-drefnu y tymor hwn, ond dydi hi ddim yn glir eto a fydd hynny o fantais i glybiau fel Y Bala.

Mae’n bosib y gallen nhw wynebu AIK o Sweden yn gynnar ac mae cynghreiriau Sgandinafia hanner ffordd drwy’r tymor yn barod. Mae’r clwb  o Faes Tegid yn ffodus i gwrdd â Tre Fiori, efallai, gan fod eu cynghrair nhw yn rhedeg fel un Uwch Gynghrair Cymru.

Andy Mangan

Mae newidiadau wedi bod yng ngharfan Y Bala dros yr haf. Mae hanner dwsin o chwaraewyr wedi gadael, ond mae hen ffefryn Wrecsam, Andy Mangan, wedi ymuno.

“O’n i’n meddwl bod angen i ni wella ar y tymor diwethaf,” meddai Colin Caton wedyn. “Roedd hi’n amser gadael rhai i fynd, a dod â gwaed newydd i mewn.

“Mae arwyddo chwaraewr fel Andy Mangan yn dangos faint o bell ydan ni wedi dod. Roedd eisiau mynd yn rhan amser a phan glywodd ein hyfforddwr, Steve Fisher, hyn, mi wnaeth ei berswadio i ymuno â ni.

“Dw i’n sicr y bydd yn disgleirio yn y gynghrair.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd