Rhybudd gan ferched Cymru i Loegr

Diweddarwyd  

Mae rheolwr tîm pêl-droed merched Cymru, Jayne Ludlow wedi rhybuddio Lloegr fod gwell i ddod ar ôl eu buddugoliaeth o 3-0 dros Rwsia yng Nghasnewydd nos Fawrth.

Sgoriodd Kayleigh Green ddwywaith cyn creu’r drydedd gôl i Natasha Harding, wrth i Gymru cadw llechen lân am y seithfed tro yn olynol yn un o’r gemau rhagbrofol.

Mae’r canlyniad neithiwr yn golygu y bydd y frwyr rhwng y ddwy wlad ar Awst 31 yn un dyngedfennol, gyda’r enillwyr yn mynd drwodd i Gwpan y Byd yn Ffrainc y flwyddyn nesaf.

Mae gan Gymru fantais o un pwynt dros Loegr ar drothwy’r gêm fawr mewn lleoliad sydd heb ei gadarnhau hyd yn hyn.

‘Cwympo oddi ar fy nghadair’

Ar ôl y canlyniad neithiwr, meddai rheolwr merched Cymru, Jayne Ludlow: “Pe bai rhywun wedi dweud wrtha i pan gafodd yr enwau eu tynnu o’r het ym mhencadlys UEFA y bydden ni yn y sefyllfa yma, dw i’n credu y byddwn i wedi cwympo oddi ar fy nghadair!

“Doedd neb yn disgwyl i ni fod yn y sefyllfa yma ar ôl saith gêm.

“R’yn ni wedi profi’r rhai oedd yn ein hamau ni’n anghywir, a hyd yn oed rhai o fewn ein grŵp, y gallwn ni berfformio o dan bwysau.

“R’yn ni’n hapus o ran lle’r ydyn ni, ond a allwn ni wella? Gallwn.

“R’yn ni eisiau sgorio goliau yn ogystal ag amddiffyn ein gôl ein hunain, sydd wedi bod yn wych hyd yn hyn.

“Dydi pobol ddim wedi gweld yr ochr arall i ni, ond nawr r’yn ni wedi dangos y gallwn ni wneud y ddau beth.

“Mae gan Loegr amgylchfyd gwahanol i ni, nifer o bethau moethus nad oes gennym ni, ond r’yn ni ar daith… a gadewch i ni weld am ba hyd y bydd yn para.”

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd