Gareth Bale i Bayern Munich?

Diweddarwyd am  

Gareth Bale

Llun: Football.ua CC SA 3.0 trwy Gomin Wicimedia

Mae’r papurau newydd yn llawn straeon am ddyfodol Gareth Bale.

Yn ôl rhai adroddiadau gallai ymadawiad Zinedine Zidane yn reolwr Real Madrid, olygu bod y Cymro yn aros gyda phencampwyr Ewrop.

Ond mae’r Metro yn dweud bod Real Madrid yn fodlon gwerthu’r ymosodwr am £105 – £134 miliwn, a bod Man U a Bayern Munich yn cystadlu i’w arwyddo.

Ac mae Gareth Bale yn tueddu i ffafrio symud i’r Almaen, yn ôl y Metro, a hynny er mwyn cael bywyd tawel.

Ofn y Cymro, medden nhw, yw y byddai ei deulu yn darged i’r Wasg Brydeinig pe bae e’n symud nôl i chwarae yn Lloegr.

Yn ôl y Daily Mail fe fydd y seren sgoriodd ddwy gôl yn ffeinal Cynghrair y Pencampwyr nos Sadwrn diwethaf, gan gipio’r gwpan i Real Madrid, yn trafod ei ddyfodol gyda’i glwb presennol yn y pythefnos nesaf.

Yn ôl y papur newydd hwnnw, Gareth Bale yw prif darged Man U tros yr Haf ac maen nhw yn fodlon talu £121 miliwn am ei wasanaethau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd