Mae Graham Potter a Chlwb Pêl-droed Östersunds wedi cadarnhau bod Clwb Pêl-droed Abertawe wedi gwneud cais i gynnal trafodaethau gyda’r Sais ynghylch swydd y rheolwr.
Mae’r Elyrch yn chwilio am reolwr newydd ar ôl penderfynu peidio â chynnig cytundeb newydd i Carlos Carvalhal ar ôl gostwng i’r Bencampwriaeth.
Dywedodd cadeirydd y clwb yn Sweden ei fod e wedi trafod y sefyllfa gyda chadeirydd Abertawe, Huw Jenkins.
Cyn hyn, roedd Graham Potter a’i glwb wedi bod yn gwadu’r trafodaethau.
