David Brooks “wedi ymrwymo i Gymru”

 
Crys coch, a logo'r Gymdeithas Bel-droed ar y frest

Llun: Cymdeithas Bêl-droed Cymru

Mae ymosodwr ifanc Cymru, David Brooks yn dweud ei fod e wedi ymrwymo i’r tîm cenedlaethol yn dilyn adroddiadau y gallai droi’n ôl at Loegr.

Cafodd ymosodwr Sheffield United ei enwi’n chwaraewr gorau Twrnament Toulon haf diwethaf yn dilyn ei berfformiadau i dîm dan 20 Lloegr. Cafodd ei enwi yng ngharfan Cymru ar gyfer y gystadleuaeth cyn penderfynu cynrychioli Lloegr.

Ond fe wnaeth e droi ei sylw at Gymru wedyn gan fod ei fam Cathryn yn dod o Langollen, gan ddweud mai “camgymeriad” oedd iddo gael ei enwi gan Loegr ond fod rhaid iddo fynd gyda’r Saeson.

‘Dim diddordeb’

Enillodd e gapiau dros Gymru yn y gemau cyfeillgar yn erbyn Ffrainc a Phanama ym mis Tachwedd. Ond gan eu bod nhw’n gemau cyfeillgar, mae ganddo’r hawl o hyd i ddewis cynrychioli Lloegr.

Mae wedi teithio i’r Unol Daleithiau gyda Chymru, lle mae disgwyl iddo herio Mecsico ddydd Mawrth, ac mae’n mynnu mai yng Nghymru mae ei ddyfodol.

“Dw i wedi ymrwymo i Gymru,” meddai, “a does gyda fi ddim diddordeb mynd yn ôl i Loegr.

“Fyddwn i ddim yn teithio ar draws y byd pe na bawn i eisiau bod yma. Mae angen i fi weithio’n galed i fod yn rhan o gynlluniau’r rheolwr [Ryan Giggs] yn y dyfodol.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd