‘Gall teithio’n bell helpu tîm Cymru,’ meddai Chris Gunter

Diweddarwyd am  
Chris Gunter

Chris Gunter

Llun: Jon Candy trwy Gomin Wicimedia

Gall teithio’n bell helpu tîm pêl-droed Cymru yn y tymor hir, yn ôl y cefnwr de, Chris Gunter.

Mae’r garfan wedi teithio i’r Unol Daleithiau, lle byddan nhw’n herio Mecsico ddydd Mawrth, ac maen nhw eisoes wedi bod yn China ers i Ryan Giggs gael ei benodi’n rheolwr.

Dywedodd Chris Gunter fod y teithiau wedi rhoi mwy o amser i’r garfan baratoi ar gyfer gemau, gan eu bod nhw wedi treulio mwy o amser gyda’i gilydd o ganlyniad.

“Gall Ryan ddod i’n hadnabod ni a phan ydych chi i ffwrdd, rydych chi gyda’ch gilydd am fwy o amser ac mae hynny’n torri’r garw, os liciwch chi.

“Weithiau mae’n braf teithio’n bellach lle mae eich amgylchfyd yn wahanol a’r sefyllfaoedd yn wahanol i’r rhai rydych chi ynddyn nhw fel arfer.

“Dyna’r adegau pan ydych chi’n dysgu mwy ac mae’n dda cael gêm anodd ar ddiwedd wythnos o ymarfer.”

Mecsico

Y gêm yn erbyn Mecsico yng Nghaliffornia yw cyfle olaf Cymru i chwarae cyn iddyn nhw herio Gweriniaeth Iwerddon a Denmarc yng Nghynghrair y Cenhedloedd ym mis Medi.

Ond byddan nhw heb Gareth Bale, sy’n paratoi i chwarae yn rownd derfynol Cynghrair y Pencampwyr gyda Real Madrid yn erbyn Lerpwl nos Sadwrn. Mae Ben Woodburn a Danny Ward yng ngharfan Lerpwl ar gyfer y gêm.

Mae James Chester allan o’r daith hefyd wrth i Aston Villa baratoi i herio Fulham yn rownd derfynol gemau ail gyfle’r Bencampwriaeth nos Sadwrn.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd