Ryan Giggs yn enwi’r garfan i herio Mecsico

Diweddarwyd am  

Ryan Giggs

Llun: Cymdeithas Bêl-droed Cymru www.faw.cymru

Mae rheolwr tîm pêl-droed Cymru, Ryan Giggs wedi enwi ei garfan ar gyfer y gêm gyfeillgar yn erbyn Mecsico yn Rose Bowl Pasadena ar Fai 28.

Yn ôl y disgwyl, mae Gareth Bale allan o’r garfan am fod Real Madrid yn chwarae yn rownd derfynol Cynghrair y Pencampwyr yn Kiyv. Does dim lle ychwaith i Danny Ward am y bydd yntau ynghlwm wrth garfan Lerpwl ar gyfer y gêm honno.

Mae’r amddiffynnwr canol James Chester allan hefyd oherwydd ei fod yn priodi ac am fod Aston Villa yn rownd derfynol gemau ail gyfle’r Bencampwriaeth.

Does dim lle ychwaith i Ethan Ampadu, sy’n parhau i fod allan ag anaf i’w ffêr, Neil Taylor, Ben Woodburn na Paul Dummett, er iddo yntau gael tymor da gyda Newcastle, na Joe Allen, sydd wedi’i anafu.

Mae ‘na le… 

Ond mae lle i Ashley Williams er ei dymor siomedig gydag Everton. Hefyd wedi’u cynnwys mae Joe Ledley, Tom Lawrence a George Williams. Mae Aaron Ramsey hefyd yn dychwelyd ar ôl methu’r daith i Gwpan Tsieina.

Mae nifer o wynebau llai cyfarwydd ac ifanc hefyd wedi’u cynnwys yn y garfan, gan gynnwys Chris Maxwell, Luke Pilling, Adam Davies, Declan John, Chris Mepham, Tom Lockyer, Regan Poole, Joe Rodon, Cameron Coxe, Michael Smith, Lee Evans a Marley Watkins.

Y garfan

Wayne Hennessey, Chris Maxwell, Luke Pilling, Adam Davies; Ben Davies, Declan John, Ashley Richards, Ashley Williams, Chris Mepham, Tom Lockyer, Regan Poole, Joe Rodon, Chris Gunter, Connor Roberts, Adam Matthews, Cameron Coxe; Andy King, Michael Smith, Lee Evans, Joe Ledley, George Thomas, Daniel James, Aaron Ramsey, Ryan Hedges, Tom Lawrence, George Williams, Harry Wilson, Marley Watkins, David Brooks; Sam Vokes, Tom Bradshaw, Hal Robson-Kanu.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd