Bangor “yn derbyn” eu bod yn disgyn o’r Uwch Gynghrair

Diweddarwyd am  

Stand Nantporth

Mae Clwb Pêl-droed Dinas Bangor wedi derbyn ei fod allan o Uwch Gynghrair Cymru ar ôl methu â chael trwydded gan Gymdeithas Bêl Droed Cymru y mis diwethaf.

Bydd y tîm, sy’n un o glybiau mwya’ gogledd Cymru, nawr yn disgyn i Gynghrair Undebol Huws Gray y tymor nesaf, yn erbyn clybiau eraill yn y gogledd.

Mae’r timau yn y Gynghrair Undebol yn cynnwys Caernarfon, Porthmadog, Rhyl a Chyffordd Llandudno.

Dywed y clwb ei fod wedi ceisio “pob ffordd i geisio gwrthdroi’r penderfyniad”, gan ystyried mynd â’r achos mor bell â’r Uchel Lys a’r Llys Cymodi mewn Chwaraeon (CAS).

Ond ar ôl cymryd cyngor cyfreithiol, meddai datganiad gan y clwb, maen nhw wedi penderfynu peidio bwrw ymlaen – oherwydd y gost ariannol a’r cymhlethdodau o ddychwelyd i Uwch Gynghrair Cymru.

Mae gan glwb Bangor bellach dîm rheoli a thîm cyfrifon newydd.

Mae disgwyl clywed ym mis Mehefin a fydd y tîm yn gallu chwarae yng Nghwpan Irn Bru yn yr Alban.

Pêl-droed

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd