Y Gleision yn rhoi cweir i’r Kings

Diweddarwyd am  
Gleision

Gleision

Southern Kings 12–45 Gleision

Sicrhaodd y Gleision eu lle yng Nghwpan Pencampwyr Ewrop y tymor nesaf gyda buddugoliaeth swmpus dros y Southern Kings yn Stadiwm Bae Nelson Mandela nos Sadwrn.

Sgoriodd y Cymry saith cais mewn buddugoliaeth gyfforddus ym Mhort Elizabeth, canlyniad sydd yn golygu eu bod yn sicr o orffen uwch ben y Gweilch yng nghyngres A y Guinness Pro14, a thrwy hynny sicrhau eu lle ym mhrif gystadlaeaeth Ewrop y tymor nesaf.

Dechreuodd y Gleision ar dân gydag Alex Cuthbert yn croesi wedi dadlwythiad taclus Nick Williams wedi dim ond dau funud.

Cais digon tebyg a oedd ail yr ymwelwyr bum munud yn ddiweddarach, Seb Davies yn hyrddio drosodd y tro hwn wedi dadlwythiad Willis Halaholo.

Roedd y Cymry yn llawer rhy gryf i’r Kings a sgoriodd Josh Turnbull y trydydd cais cyn i Halaholo dorri trwy daclo gwan i gael y pedwerydd o dan y pyst.

Gyda’r pwynt bonws yn ddiogel, daeth pumed i’r Gleision cyn yr egwyl wrth i sgarmes symudol effeithiol arwain at sgôr i Kirby Myhill.

Sgoriodd Ntabeni Dukisa gais cyntaf y tîm cartref yn gynnar yn yr ail hanner ond ymatebodd y Gleision yn syth gyda dau gais eu hunain; y cyntaf i Blaine Scully wedi cic daclus Jarrod Evans a’r ail i Myhill wedi sgarmes symudol arall.

Roedd cais cysur arall i’r Kings pan sgoriodd Lindokuhle Welemu ddeuddeg munud o’r diwedd ond roedd gagendor enfawr rhwng y ddau dîm mewn gwirionedd, 12-45 y sgôr terfynol.

Mae’r canlyniad yn cadw’r Gleision yn bedwerydd yn nhabl cyngres A y Pro14 ac ni all y Gweilch eu dal bellach.

.

Southern Kings

Ceisiau: Ntabeni Dukisa 48’, Lindokuhle Welemu 69’

Trosiadau: Masixole Banda 49’

Cerdyn Melyn: Schalk Ferreira 37’

.

Gleision

Ceisiau: Alex Cuthbert 2’, Seb Davies 7’, Josh Turnbull 25’, Willis Halaholo 32’, Kirby Myhill 38’, 55’, Blaine Scully 53’

Trosiadau: Jarrod Evans 3’, 8’, 26’, 33’, 44’

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd