“Ai yn y cartref y mae lle’r ferch?” – clwb pêl-droed yn sori am holi’r cwestiwn

Diweddarwyd am  

Mae Clwb Pêl-droed Tottenham Hotspur wedi ymddiheuro ar ôl i holiadur a gafodd ei anfon at gefnogwyr Americanaidd ofyn, “Ai yn y cartref y mae lle’r ferch?”

Mewn datganiad, dywedodd y clwb mai asiantaeth allanol oedd yn gyfrifol am lunio’r holiadur, a bod y cwestiwn yn “gwbwl annerbyniol”. Mae lle i gredu mai Kantar Media yw’r asiantaeth honno.

Mae nifer sylweddol o gefnogwyr Americanaidd wedi tynnu sylw at y cwestiwn ar wefannau cymdeithasol, yn dilyn e-bost gan y clwb nos Fawrth yn eu gwahodd i “ddweud wrthom beth ydych chi’n ei feddwl”.

Cafodd cyfres o osodiadau eu cynnig i’r cefnogwyr, gan ofyn i ba raddau roedden nhw’n cytuno â nhw – “yn sicr yn cytuno”, “yn dueddol o gytuno”, “ddim yn cytuno nac yn anghytuno”, “yn dueddol o anghytuno” ac “yn sicr yn anghytuno”.

Ymddiheuriad

Mewn datganiad nos Fawrth, dywedodd y clwb eu bod nhw wedi dileu’r cwestiwn ar unwaith ar ôl ei ddarganfod.

“Mae cynnwys y cwestiwn hwn yn holiadur y clwb yn gwbwl annerbyniol ac yn gamgymeriad anffodus.

“Rydym yn ymddiheuro’n ddiffuant i unrhyw un a gafodd ei sarhau gan y ffaith iddo gael ei gynnwys yn y lle cyntaf.”

Mae 50% o fwrdd cyfarwyddwyr Clwb Pêl-droed Tottenham Hotspur yn ferched.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd