Rheolwr Man City yn parhau i wisgo rhuban Catalwnia

 
Pep Guardiola

Pep Guardiola

Llun: Twitter

Mae rheolwr tîm pêl-droed Manchester City, Pep Guardiola yn gwisgo rhuban melyn Catalwnia ar gyfer gêm derfynol Cwpan Carabao yn Wembley – er iddo gael ei gosbi’r wythnos hon.

Cafodd ei gyhuddo gan Gymdeithas Bêl-droed Lloegr ddydd Gwener o “wisgo neges wleidyddol” ar ei ddillad dros y misoedd diwethaf.

Mae’r rhuban yn symbol sy’n dangos cefnogaeth i ymgyrch annibyniaeth Catalwnia, mamwlad y rheolwr.

Wrth egluro’i benderfyniad i’w wisgo yn y gorffennol, dywedodd Pep Guardiola y byddai’n parhau i’w wisgo tra bod arweinwyr gwleidyddol Catalwnia dan glo am eu rhan yn yr ymgyrch fis Hydref.

Mae e eisoes wedi anwybyddu sawl rhybudd gan y Gymdeithas Bêl-droed, sy’n mynnu bod gwisgo’r rhuban yn torri cod dillad a hysbysebu.

Dim ond ar y cae neu yn ardal y rheolwr y mae’r gwaharddiad mewn grym.

Mae’r gêm fawr rhwng Man City ac Arsenal yn dechrau am 4.30 heddiw.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd