Bangor yn herio Cei Connah – cyfle i gau’r bwlch ar y Seintiau

Diweddarwyd am  

Mae cyfle i un ai Bangor neu glwb Cei Connah gau’r bwlch rhyngddyn nhw a’r Y Seintiau Newydd heno yn Nantporth, oherwydd fe fydd y pencampwyr yn herio Dumbarton y penwythnos hwn yn rownd gyn-derfynol Cwpan Irn-Bru.

Mae Bangor yn bedwerydd ar hyn o bryd, dri phwynt y tu ôl i Gei Connah, sydd yn yr ail safle yn Uwch Gynghrair Cymru.

Mae’r Nomadiaid ar rediad, gyda dim ond un golled yn eu saith gêm ddiwethaf, ond mae Bangor  wedi ennill tair a dwy gêm gyfartal yn y pum gêm cynghrair diwethaf.

“Rydan angen bownsio’n ôl heno yn erbyn Cei Connah,” meddai Guto Williams, amddiffynnwr ifanc Bangor, wrth golwg360. “Doeddan ni ddim yn ddigon da yr wythnos dwytha’ yn erbyn y Seintiau Newydd.

“Mae angen i ni gau’r bwlch yn sydyn i orffen yn ail,” meddai wedyn. “Mae hi wastad yn gêm gorfforol yn erbyn Cei, ac mae’n brofiad da i fi ddysgu’r ochr yna i’r gêm. Dw i yn y garfan, felly gobeithio ga’ i ddechrau’r gêm.”

Canlyniad gwych

“Rydan wedi dechrau’r ail ran o’r tymor heb golli a chawsom ganlyniad gwych wythnos diwethaf yn y brifddinas yn erbyn Met Caerdydd,” meddai amddiffynnwr Cei Connah, Jake Phillips, wrth golwg360.

“Y gobaith ydi bod y rhediad yn para heno ym Mangor, er mwyn cadw’r bwlch rhyngddan ni a Bangor, cyn y ddwy gêm yn erbyn y Seintiau yn y cwpan a’r gynghrair.

Gemau eraill 

Heno (nos Wener) ar Goedlan y Parc, fe fydd tîm Neville Powell, Aberystwyth, yn gobeithio parhau â’r perfformiad gwych wythnos diwethaf yn erbyn Llandudno. Prestatyn sy’n teithio i Aberystwyth ac mae angen tri phwynt ar y tîm o Erddi Bastion. Mae tîm y rheolwr newydd Gareth Wilson ar waelod y tabl ddeg pwynt tu ôl  i Aberystwyth sy yn y degfed safle.

Mae Neville Powell hefyd wedi cael ei enwebu ar gyfer gwobr Rheolwr y mis, Ionawr, ynghyd â Huw Griffiths (Derwyddon Cefn), Chris Hughes (Y Drenewydd) a Scott Ruscoe (Y Seintiau Newydd).

Gweddill gemau’r penwythnos

Met Caerdydd v Derwyddon Cefn

Llandudno v Caerfyrddin

Y Drenewydd v Y Barri

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd