Rheolwr Porto yn llongyfarch Carlos Carvalhal

 
Carlos Carvalhal

Carlos Carvalhal

Llun: golwg360 / Alun Rhys Chivers

Wrth i dîm pêl-droed Porto baratoi i herio Lerpwl yng Nghynghrair y Pencampwyr heno, mae eu rheolwr wedi llongyfarch ei gydwladwr, rheolwr Abertawe Carlos Carvalhal.

Llwyddodd yr Elyrch i guro Lerpwl o 1-0 fis diwethaf wrth i’w hadfywiad barhau o dan y gŵr o Bortiwgal, ac mae Sergio Conceicao yn dweud bod Carvalhal wedi dod â “bri” i bêl-droed yn y wlad.

Ar ôl y fuddugoliaeth bwysig, dywedodd Carvalhal fod ei dîm wedi llwyddo i stopio ‘car Fformiwla un yng nghanol traffig’ – un o’r disgrifiadau lliwgar sy’n nodweddiadol o’i gyfnod wrth y llyw.

Mae’r Elyrch bellach wedi codi o’r safleoedd disgyn yn Uwch Gynghrair Lloegr a chafodd Carlos Carvalhal ei enwebu ar gyfer gwobr Rheolwr y Mis y mis diwetha’.

“Rwy’n achub ar y cyfle hwn i longyfarch Carlos Carvalhal am yr hyn mae e’n ei wneud yn yr Uwch Gynghrair,” meddai Sergio Conceicao.

 

Roedd rheolwr Abertawe a rheolwr Wolves, Nuno Espirito Santo, yn “dod â bri i bêl-droed Portiwgal”, meddai.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd