Mark Hughes: “Dim diolch” i swydd rheolwr Cymru

Diweddarwyd am  

Mark Hughes ar ddechrau ei gyfnod yn rheolwr Stoke

Llun: Clwb Pêl-droed Stoke City

Nid oes gan Mark Hughes ddiddordeb mewn dychwelyd i rôl rheolwr Cymru.

Daw’r newyddion bod Hughes wedi cael ei ddiswyddo gan Stoke, tra bod Cymdeithas Bêl-droed Cymru yn cyfweld ymgeiswyr i olynu Chris Coleman yr wythnos hon.

Bu’r cyn-chwaraewr 54-mlwydd-oed yn rheoli Cymru am bum mlynedd o 1999-2004, ond byddai’n well ganddo ddychwelyd i reolaeth clwb naill ai yn yr Uwch Gynghrair neu dramor, meddai.

Mae cynorthwyydd Hughes, Mark Bowen, hefyd wedi gadael Stoke gyda Eddie Niedzwiecki yn cymryd yr awenau dros dro.

Bydd Ryan Giggs, Craig Bellamy ac Osian Roberts yn cael eu cyfweld am swydd rheolwr gwag Cymru yn ystod yr wythnos nesaf.

Fodd bynnag, nid yw’n glir os mai nhw yw’r unig enwau ar y rhestr fer. Mae’r gymdeithas bel-droed yn dweud eu bod yn gobeithio cael olynydd i Coleman – a adawodd ym mis Tachwedd 2017 – wrth y llyw mewn pryd, cyn cyhoeddi pa enwau ddaw allan o’r het ar gyfer cystadleuaeth newydd Cynghrair y Cenhedloedd ar 24 Ionawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd