Swydd rheolwr Cymru: Giggs, Bellamy a Roberts i gael eu cyfweld

 
Crys coch, a logo'r Gymdeithas Bel-droed ar y frest

Llun: Cymdeithas Bêl-droed Cymru

Mae lle i gredu mai tri ymgeisydd – Ryan Giggs, Craig Bellamy ac Osian Roberts – fydd yn cael eu cyfweld ar gyfer swydd rheolwr tîm pêl-droed Cymru.

Mae Cymdeithas Bêl-droed Cymru’n chwilio am olynydd i Chris Coleman, a gafodd ei benodi’n rheolwr ar Sunderland ym mis Tachwedd.

Fe adawodd ei swydd gyda Chymru ar ôl ychydig yn llai na chwe blynedd wrth y llyw.

Mae disgwyl i enw’r rheolwr newydd gael ei gyhoeddi cyn diwedd y mis.

Y ceffylau blaen

Does gan yr un o’r tri cheffyl blaen brofiad o fod yn rheolwr, ac mae proffil rhyngwladol Ryan Giggs yn ei wneud yn ffefryn ymhlith y bwcis.

Roedd hefyd wedi cael profiad o hyfforddi gyda Man U o dan Louis van Gaal, cyn gadael y clwb yn 2016 pan gafodd Jose Mourinho ei benodi’n rheolwr.

Fe fyddai gwaith Osian Roberts yn is-reolwr o dan Chris Coleman a’i wybodaeth am y garfan yn ystod y cyfnod hwnnw’n ei osod o flaen y ddau arall, ar ôl helpu’r garfan i gyrraedd rownd gyn-derfynol Ewro 2016.

Ond mae’r cyn-ymosodwr Craig Bellamy hefyd wedi datgan ei ddiddordeb yn y swydd, ac yntau’n gyfrifol am ddatblygu chwaraewyr iau Caerdydd o dan reolaeth Neil Warnock.

 

 

 

Mae Tony Pulis allan o’r ras erbyn hyn, ac yntau newydd gael ei benodi’n rheolwr ar Middlesbrough.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd