Bangor yn curo’r Derwyddon

Diweddarwyd am  

Derwyddon Cefn 0–2 Bangor                                                         

Mae Bangor yn ail yn Uwch Gynghrair Cymru ar ôl curo’r Derwyddon Cefn ar y Graig nos Sadwrn.

Sgoriodd Dean Rittenberg i’r Ddinasyddion yn yr hanner cyntaf cyn i Luke Wall sicrhau’r tri phwynt yn yr ail hanner.

Gwastraffodd Ashley Ruane gyfle da i roi’r Derwyddon ar y blaen cyn i Rittenberg wneud hynny i’r ymwelwyr wedi wyth munud, y blaenwr yn rhwydo gydag ergyd isel gywir o ugain llath wedi sodliad deheuig Danny Gosset i’w lwybr.

Seren y gêm, Gosset, ei hun a gafodd y cyfle gorau i ddyblu’r fantais ond anelodd ei ergyd yn syth at Michael Jones yn y gôl ac un oedd ynddi wrth droi.

Roedd yr ail hanner yn un agos a chyfleoedd clir y brin yn y ddau ben.

Bu rhaid aros tan saith munud o’r diwedd am y gôl nesaf, Wall yn codi’r bêl yn daclus dros Jones wedi i Gary Taylor-Fletcher fesur ei bas i’w lwybr yn berffaith.

Bu bron i Rittenberg ychwanegu ei ail ef a thrydedd ei dîm yn yr eiliadau olaf ond roedd dwy gôl yn ddigon i sicrhau’r tri phwynt i Fangor a’u codi i’r ail safle yn y tabl. Mae’r Derwyddon ar y llaw arall yn aros yn chweched.

.

Derwyddon Cefn

Tîm: Jones, Arsan (Buckley 80’), Hesp, Eckersley, Mudimu, Ruane (ap Gareth 63’), Pritchard, Davies, Simpson, Hajdari (Taylor84’), Ashton

.

Bangor

Tîm: Hall, Connolly, Kennedy, Wall, Gosset, Hewitt, Taylor-Fletcher, Holmes, Shaw, Rittenberg, Wilson

Goliau: Rittenberg 8’, Wall 83’

.

Torf: 207

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd