“Na” i gynnal gemau Ewro 2020 yng Nghaerdydd

Diweddarwyd am  
Y stadiwm yn llawn, a'r chwaraewyr ar y maes

Stadiwm Principality

Llun: David Roberts CC2.0 trwy Comin Wicimedia

Mae’r cais gan Gymdeithas Bêl-droed Cymru (CBDC) i gynnal gemau UEFA Ewro 2020 yng Nghaerdydd wedi bod yn aflwyddiannus.

Roedd y CBDC wedi anfon cais i UEFA wedi iddo ddod i’r amlwg bod Brwsel – dinas oedd fod cynnal rhai o gemau’r gystadleuaeth – yn wynebu heriau.

Bellach mae UEFA wedi cyhoeddi na fydd Brwsel yn cynnal y gemau yma mwyach, ac mai Stadiwm Wembley fydd yn gyfrifol bellach.

“Siomedig iawn”

Mewn datganiad mae’r CBDC wedi dweud eu bod yn “siomedig iawn” â’r penderfyniad ond wedi dymuno’r gorau i Gymdeithas Bêl-droed Lloegr a Stadiwm Wembley.

“Nid yw Cymru erioed wedi cynnal gêm derfynol Cwpan y Byd neu Ewro, a dyma oedd y cyfle gorau i wneud hynny,” meddai’r datganiad.

“Fe wnaeth CBDC gydymffurfio â holl ofynion y cais ac rydym wedi ysgrifennu at UEFA i ofyn am adborth ar y penderfyniad fel y gallwn ddeall y rhesymau y tu ôl i’r bleidlais er gwybodaeth.”

Dinasoedd

Roedd Cymdeithas Bêl-droed Sweden hefyd wedi anfon cais, ac wedi gobeithio medru cynnal y gemau yn Arena’r Cyfeillion, Stockholm.

Bydd deuddeg dinas yn cynnal gemau Ewro 2020: Rhufain, Baku, St Petersburg, Copenhagen, Amsterdam, Bucharest, Llundain, Glasgow, Bilbao, Dulyn, Munich a Budapest.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd