Barn  y cefnogwyr  – Y Drenewydd

Diweddarwyd am  
Y Drenewydd

Logo Y Drenewydd

Llun: CPD Y Drenewydd

Gyda’r Drenewydd yng ngwaelodion Uwch-gynghrair Cymru mae pryder  a rhwystredigaeth am eu safle ymhlith y cefnogwyr.

Ar ôl colled arall nos Wener yn erbyn Aberystwyth  3-0 ac yn wynebu eu cymdogion  Cegidfa o’r Gymru Alliance gartref ar Barc Latham, mae’r cefnogwr Simon Brennan yn gobeithio bydd dim sioc yn yr ail rownd.

“Rwyf yn hanu’r o’r Drenewydd ac yn eu gwylio nhw ers tua 25 mlynedd,” meddai wrth Golwg360.

“Mae atgofion  gwych gen i o gemau yn Ewrop a balchder i weld nhw’n chwarae, ond colli yn rownd derfynol Cwpan Cymru yn 2015 yn erbyn Y Seintiau Newydd ar Barc Latham.”

“Colli asgwrn cefn”

“Ar ôl colli asgwrn cefn y tîm yn yr haf sef Shane Sutton , Jason Oswell ac Alex Fletcher roedden ni wastad yn mynd i golli chwaraewyr o safon – rydan ni’n colli goliau Oswell.

“Mae’r rheolwr Chris Hughes wedi dod a chwaraewyr i mewn ac mae un neu ddau yn cymryd amser i setlo. Mae’n dda gweld yr hogyn lleol Ryan Sears yn ôl ar fenthyg o’r Amwythig, 18 oed ydy o ac mae gobeithion mawr iddo.

“Roedd yr antur i Ewrop yn 2016 yn fythgofiadwy. Es i draw i Valletta, prif ddinas Malta, gyda thua 70 o gefnogwyr eraill, trip gwych, atgofion da ac fe wnaethom ennill 2-1 a mynd drwodd i wynebu Copenhagen  o Ddenmarc, dros y ddwy gêm roedden nhw’n rhy gryf i ni, wnaethom golli’r ddwy gêm ond dim cywilydd.”

Tymor “rhwystredig”

“Rydan ni wedi cael tymor rhwystredig hyd yma, ac roedden ni’n wael iawn nos Wener ddiwethaf yn Aberystwyth. Mae’n amser  i rai o’r chwaraewyr  chwysu dipyn i’r crys, yn enwedig gyda Chegidfa yn dod i Barc Latham dydd Sadwrn.

“Maen nhw’n dîm da ac rydan ni’n ildio gormod o goliau a dim sgorio digon, felly mae problemau,” meddai.

“Y gobaith yw ein bod ni’n goroesi’r tymor hwn, a sefydlu’n hunain fel tîm yn y chweched uchaf bob tymor, cael rhediad yn y cwpanau a gobeithio cael mynd  i Ewrop eto.”

Y Drenewydd  v Cegidfa – ail rownd Cwpan Cymru dydd Sadwrn, 2 Rhagfyr , 2.30yp.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd