Chris Coleman ‘wedi arwain sesiwn hyfforddi Sunderland’

 
Chris Coleman

Rheolwr Cymru Chris Coleman ar ei ffordd i’r bws yn y maes awyr

Llun: golwg360

Mae adroddiadau bod Chris Coleman wedi bod yn arwain sesiwn hyfforddi tîm pêl-droed Sunderland y bore ma.

Mae lle i gredu ei fod e ar fin llofnodi cytundeb dwy flynedd a hanner i fod yn rheolwr y tîm sydd ar waelod y Bencampwriaeth.

Mae disgwyl cadarnhad o’r penodiad heddiw.

Fe ymddiswyddodd o’i swydd yn rheolwr tîm Cymru nos Wener ar ôl methu â chyrraedd Cwpan y Byd 2018.

Mae disgwyl i Kit Symons, sydd hefyd wedi gadael Cymru, gael ei benodi i’w staff hyfforddi, ac fe allen nhw fod wrth y llyw ar gyfer y gêm yn erbyn Aston Villa nos Fawrth.

‘Dewis da’

Mae Chris Coleman wedi cael sêl bendith un o gyn-reolwyr Sunderland, Peter Reid, sy’n dweud bod y Cymro’n “ddewis da”.

“Mae ganddo fe waith caled i’w wneud, mae’r cefnogwyr yn despret am unrhyw fath o ganlyniad.

“Mae’n glwb pêl-droed enfawr ac efallai ei fod yn amser da i fynd yno.

“Dim ond un ffordd maen nhw’n gallu mynd, sef i fyny, neu dyna dw i’n gobeithio, beth bynnag.

“Mae’n sicr yn mynd i fod yn anodd oherwydd ry’n ni’n gwybod fod y Bencampwriaeth yn gynghrair anodd iawn, iawn.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd