Y myfyrwyr yn dysgu gwers i Gaerfyrddin

Diweddarwyd am  

Met Caerdydd 5–0 Caerfyrddin                                                     

Rhoddodd myfyrwyr Met Caerdydd ddarlith bêl droed go iawn wrth i Gaerfyrddin ymweld â Champws Cyncoed amser cinio ddydd Sadwrn.

Sgoriodd y tîm cartref bum gôl mewn buddugoliaeth swmpus yn Uwch Gynghrair Cymru.

Methodd Adam Roscrow gyfle euraidd i roi Met ar y blaen wedi chwarter awr cyn gwneud hynny ddau funud yn ddiweddarach. Gwnaeth Lee Surman a Dave Vincent lanast o amddiffyn croesiad Kyle McCarthy a gwnaeth Roscrow yn siŵr er bod y bêl yn anelu am y rhwyd pryn bynnag.

Dyblodd McCarthy fantais ei dîm saith munud cyn yr egwyl gyda gôl dipyn mwy graenus, cic rydd wych i’r gornel uchaf o bum llath ar hugain.

Parhau i reoli a wnaeth y myfyrwyr wedi’r egwyl a pharhau i amddiffyn fel plant ysgol a wnaeth Caerfyrddin.

Manteisiodd Eliot Evans ar ymdrech warthus Daniel Sheehan i glirio’r bêl o’r cwrt cosbi i sgorio’r drydedd cyn i Roscrow gasglu pas ddifrifol Craig Hanford yn ôl i’r golwr i rwydro’r bedwaredd.

Foli dda gan Liam Thomas a oedd yr agosaf a ddaeth Caerfyrddin at dynnu un yn ôl ond roedd Will Fuller yn effro yn y gôl.

Roedd digon o amser ar ôl i Evans gael ei ail ef a phumed ei dîm ddeg munud o’r diwedd, yn sgorio i rwyd wag wedi i Lee Idzi wyro ergyd Harry Owen yn syth i’w lwybr.

Mae Met Caerdydd yn aros yn drydydd yn yr Uwch Gynghrair er gwaethaf y fuddugoliaeth swmpus tra mae Caerfyrddin yn aros ar waelod y tabl.

.

Met Caerdydd

Tîm: Fuller, Rees, Mcarthy, Woolridge, Lewis, E. Evans (Bowler 82’), Baker, Roscrow, Corsby (Barnett 83’), Edwards (Owen 72’), W. Evans

Goliau: Roscrow 17’, 59’ McCarthy 38’, E. Evans 56’, 81’

.

Caerfyrddin

Tîm: Idzi, Cummings, Knott (Sheehan 45’), Vincent, Hanford, Surman, Georgievsky (Griffiths 45’), Morgan, Thomas, Bassett (Williams 73’), Lewis

Cardiau Melyn: Griffiths 55’, Vincent 84’

.

Torf: 243

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd