Paul Clement “ddim yn mynd i Everton”

 
Paul Clement, rheolwr Abertawe

Paul Clement

Llun: golwg360

Mae prif hyfforddwr tîm pêl-droed Abertawe, Paul Clement, wedi wfftio adroddiadau sy’n ei gysylltu ag Everton.

Yn ôl rhai, fe allai ymuno ag Ashley Williams a Gylfi Sigurdsson fel is-reolwr yng Nglannau Mersi pe bai’r Eidalwr Carlo Ancelotti’n cael ei benodi’n rheolwr i olynu Ronald Koeman.

Fe gydweithiodd Paul Clement a Carlo Ancelotti droeon yn y gorffennol yng nghlybiau Chelsea, Real Madrid, Paris St. Germain a Bayern Munich.

‘Heb siarad ag Ancelotti’

Yn ôl Paul Clement, dyw e ddim wedi trafod y swydd yn Everton gyda’r Eidalwr, ond mae’n mynnu na fyddai ganddo fe ddiddordeb bod yn is-reolwr eto.

“Fyddai dim diddordeb gyda fi o gwbl,” meddai prif hyfforddwr yr Elyrch. “Dw i’n mwynhau bod yma.”

Fe adawodd Paul Clement ei gydweithiwr yn yr Almaen i ddod i Abertawe fis Ionawr, ond mae’n canfod ei hun dan bwysau erbyn hyn, ar ôl dechrau digon siomedig i’r tymor.

“Mae’r clwb hwn yn dda iawn, mae’n her enfawr dw i’n ei mwynhau a does gyda fi ddim cynlluniau i fynd i unman.

“Dw i heb siarad â Carlo felly does gyda fi ddim syniad [beth sy’n digwydd].”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd