Pryderon am ffitrwydd cefnwr chwith yr Elyrch

 


Martin Olsson (Llun oddi ar wefan www.swanseacity.net)
Mae pryderon am ffitrwydd cefnwr chwith tîm pêl-droed Abertawe, Martin Olsson sydd wedi anafu llinyn y gâr.

Collodd Abertawe o 2-0 yn erbyn Man U yn Stadiwm Liberty, sy’n golygu eu bod nhw allan o Gwpan Carabao – neu gwpan y gynghrair.

Ac fe gafodd Martin Olsson ei orfodi o’r cae yn yr hanner cyntaf ar ôl cael ei anafu.

Ar ôl i’r Elyrch werthu Neil Taylor a Stephen Kingsley ers dechrau’r tymor, mae’n golygu mai dim ond Kyle Naughton, sy’n gefnwr de, a Sam Clucas, y chwaraewr canol cae, sydd ar gael i chwarae yn safle’r cefnwr chwith.

Ac fe fydd yr Elyrch yn gwybod yn ddiweddarach heddiw am ba hyd fydd Martin Olsson allan pan fydd e’n cael sgan ar ei goes.

Dywedodd Paul Clement ar ôl y gêm: “Dw i ddim yn gwybod am Martin eto – dw i ddim wedi siarad â fe na’r staff meddygol.

“Os nad yw e’n iawn ar gyfer y penwythnos, mae gyda ni’r opsiwn o chwarae Naughton neu gall Clucas fynd i’r safle hwnnw.”

‘Mae’r freuddwyd ar ben’

Gall Abertawe ganolbwyntio ar y gynghrair am y tro ar ôl iddyn nhw fynd allan o Gwpan Carabao.

Mae’r Elyrch yn bymthegfed yn y tabl, ond maen nhw ar yr un nifer o bwyntiau ag Everton, sy’n ddeunawfed ac yn y safleoedd disgyn.

Ar ôl y siom o golli neithiwr, dywedodd y capten ar y noson, Angel Rangel: “Mae’r freuddwyd ar ben am flwyddyn arall.

“Nawr gallwn ni ganolbwyntio ar y gynghrair a cheisio cael rhywbeth allan o’r gêm yn Arsenal ddydd Sadwrn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd