Everton – cyfle posib i Chris Coleman?

 


Chris Coleman (Llun:Joe Giddens/PA)
Mae clwb pêl-droed Everton newydd ddiswyddo eu hyfforddwr ac mae adroddiadau yn y wasg yn barod y gallai hyn fod yn gyfle i Chris Coleman.

Mewn datganiad ddydd Llun (Hydref 23) mae clwb pêl-droed Everton wedi diolch i Ronald Koeman am ei waith dros yr 16 mis diwethaf ac am “arwain y clwb i’r seithfed safle yn ymgyrch Cynghrair y Pencampwyr y tymor diwethaf.”

Ond mae ei gytundeb wedi dirwyn i ben, ac mae adroddiadau y gallai hyn fod yn gyfle i Chris Coleman sy’n ystyried ei ddyfodol gyda thîm pêl-droed Cymru.

Mae cytundeb Chris Coleman gyda Chymru’n dirwyn i ben ddiwedd mis Tachwedd ac mae’n ystyried ei ddyfodol ar hyn o bryd gyda’r chwaraewyr wedi gofyn iddo aros, ond mae adroddiadau hefyd y gallai fynd am swydd hyfforddwr Dinas Caerlŷr.

Yr hyfforddwyr eraill sy’n cael eu crybwyll ar gyfer swydd Everton yw – David Moyes, cyn hyfforddwr Everton; Carlo Ancelotti, sydd newydd adael Bayern Munich; Eddie Howe, hyfforddwr Bournemouth a Sean Dyche, hyfforddwr Burnley.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd