Abertawe 1–2 Caerlŷr
Colli oedd hanes Abertawe wrth i Gaerlŷr ymweld â’r Liberty yn Uwch Gynghrair Lloegr brynhawn Sadwrn.
Aeth yr ymwelyr ddwy gôl ar y blaen cyn i Alfie Mawson dynnu un yn ôl i’r Elyrch ond nid oedd hynny’n ddigon.
Aeth Caerlŷr ar y blaen wedi 25 munud pan wyrodd croesiad ffyrnig Riyad Mahrez i gefn y rhwyd oddi ar ben amddifynnwr Abertawe, Federico Fernandez.
Felly yr arhosodd hi tan hanner amser ond roedd yr ymwelwyr wedi dyblu eu mantais o fewn pedwar munud o’r ail ddechrau. Torodd Mahrez y trap camsefyll cyn chwarae’r bêl ar draws y cwrt chwech i roi gôl ar blât i Shinji Okazaki.
Ymatebodd yr Elyrch yn dda gyda gôl i Alfie Mwson, yr amddiffynnwr canol yn troi a gorffen fel blaenwr yn y cwrt cosbi.
Roedd gan y tîm cartref dros hanner awr ar ôl i sgorio’r ail a fyddai’n ennill pwynt iddynt ond daliodd Caerlŷr eu gafael ar eu mantais tan y diwedd.
Mae’r canlyniad yn cadw Abertawe yn y pymthegfed safle yn y tabl.
.
Abertawe
Tîm: Fabianski, Naughton, Fernandez, Mawson, Olsson, Renato Sanches (Routledge 78’), Britton (Ki Sung-yueng 45’), Carroll, Narsingh (Dyer 56’), Abraham, Ayew
Gôl: Mawson 56’
.
Caerlŷr
Tîm: Schmeichel, Simpson, Morgan, Maguire, Fuchs, Mahrez (Gray 87’), Ndidi, Iborra, Albrighton, Okazaki (King 68’), Vardy
Goliau: Fernandez [g.e.h.] 25’, Okazaki 49’
Cerdyn Melyn: Fuchs 15’
.
Torf: 20,521