RSS

Golwg360

MwyCau 

Qatar wedi cyhuddo’i chymdogion o “genfigen” tros Gwpan y Byd 2022

Hydref 11, 2017 11:02


Mae llywodraeth Qatar wedi cyhuddo cymdogion y wlad o fod yn “genfigennus” am eu bod nhw’n cynnal Cwpan y Byd yn 2022.

Maen nhw wedi amddiffyn penderfyniad FIFA i roi’r gystadleuaeth bêl-droed yng ngofal y wlad ymhen pum mlynedd, gan ddweud nad oes modd “trafod” y penderfyniad hwnnw.

Daw’r ffrae ar ôl i bedair gwlad Arabaidd – Bahrain, yr Aifft, Sawdi Arabia a’r Emiradau Arabaidd Unedig (UAE) – gynnal boicot o Qatar am amryw o resymau.

Ymhlith eu pryderon mae cefnogaeth Qatar o eithafwyr, a’i chysylltiadau agos ag Iran. Ond mae Qatar yn parhau i wadu eu bod nhw’n cefnogi eithafwyr.

Dywedodd llefarydd ar ran y llywodraeth fod y boicot wedi’i gynnal “ar sail cenfigen bitw, ac nid ar bryderon go iawn”. Ychwanegodd fod y boicot yn “ymgais amlwg i danseilio ein hannibyniaeth”.

Mae rhai o’r gwledydd Arabaidd wedi awgrymu eisoes na ddylai Qatar gael cynnal Cwpan y Byd.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.