RSS

Golwg360

MwyCau 

Cymru 0 – 1 Gweriniaeth Iwerddon

Hydref 9, 2017 21:42 Diweddarwyd Hydref 11, 2017 11:09


Joe Allen (Llun: Cymdeithas Bêl-droed Cymru)
Mae gobaith Cymru o gyrraedd Cwpan y Byd 2018, ar ben.

Fe gollodd y crysau cochion 0-1 yn erbyn Gweriniaeth Iwerddon yn Stadiwm Dinas Caerdydd heno, gyda’r ymwelwyr yn sgorio yn gynnar yn yr ail hanner.

Dydi Cymru erioed wedi llwyddo i guro Gweriniaeth Iwerddon mewn gêm gystadleuol.

Roedd hi’n gêm gorfforol iawn a welodd Joe Allen yn gadael y maes ychydig cyn hanner amser, wedi iddo daro ei ben ar y llawr ar ôl cael ei wthio gan y Gwyddel, James McClean.

A’r un James McClean oedd yn gyfrifol am sgorio unig gôl y gêm ar ôl 57 munud.

Tempo cyflym

Ar ôl hanner cyntaf di-sgôr, fe gafwyd ail hanner cyflym a welodd Aaron Ramsey, Ben Davies a Hal Robson-Kanu yn dod yn agos at sgorio i Gymru.

Fe ddaeth yr ymosodwr ifanc, Ben Woodburn, i’r maes ar ôl 64 munud yn lle Andy King.

Ar 70 munud, fe darodd Aaron Ramsey y trawst wedi pas dda gan Chris Gunter, ac fe ddaeth Sam Vokes ymlaen yn lle Hal Robson-Kanu.

Fe gafodd Aaron Ramsey gyfle gwych i sgorio o gic rydd ar 83 munud, ond fe aeth ei ergyd i’r eisteddle. Fe ddaeth gobaith eto wrth i Ben Woodburn basio pêl dda i Jonny Williams ar y postyn pellaf, ond ddaeth yna ddim gôl.

Roedd amddiffyniad solet Gweriniaeth Iwerddon yn effeithiol reit tan ddiwedd y pum munud ychwanegol, yn canolbwyntio yn bennaf ar gau Ben Woodburn i lawr.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.