RSS

Golwg360

MwyCau 

Barn cefnogwr Wrecsam

Hydref 2, 2017 17:00


Mae’r Dreigiau wedi cael dechrau addawol i’r tymor gyda Dean Keates wrth y llyw.  Gêm gyfartal gafodd y tîm ddydd Sadwrn yn erbyn y ceffylau blaen, Sutton, sy’n eu gadael nhw yn y chweched safle – dau bwynt y tu ôl i’r arweinwyr newydd Dover.

Mae Ioan Ellis o Benrhyndeudraeth yn un o’r  cefnogwyr selog  sy’n  heidio i’r Cae Ras bob dydd Sadwrn – a rhyw ambell gêm oddi cartref.

“Roedd taid yn cefnogi Wrecsam felly roedd yn benderfyniad hawdd. Wnes i ddechrau mynd yn gyson tua phum mlynedd yn ôl ar ôl i fi gael car. Mae llond car ohonon ni’n  mynd ond mae’n dipyn  o ras weithiau oherwydd fy swydd fel  dyn post.

“Does dim llawer o atgofion da gennyf o gefnogi Wrecsam, dyddiau du maen nhw wedi bod ond roedd ennill  Tlws FA Lloegr yn erbyn Grimsby yn Wembley yn 2013 yn ddiwrnod da, ond roedd colli i North Ferriby a Chasnewydd yn yr un stadiwm yn ddigalon.

“Tydi safon y gynghrair ddim  yn dda i fod yn onest, a dwi’n meddwl mai’r tymor hon yw’r cyfle gorau i ni gael dyrchafiad, gyda pharch mae mynd i stadiwm fel North Ferriby yn ddigalon.”

Manny Smith

“O ran y tîm dwi’n teimlo ein bod ni dal eisiau ( fel bob clwb) yr ymosodwr 20 gôl y tymor, ac amddiffyn da, yn enwedig Manny Smith, pam ei werthu yn y lle cyntaf?  Heb os, amddiffynnwr gorau’r gynghrair. Mae’r tîm ar hyn o bryd yn chwarae fel  oedd Keates – gweithio’n galed.

“Roedd dydd Sadwrn yn erbyn Sutton yn anodd, roedden nhw’n dîm corfforol, ac i fod yn onest roedd eu gôl yn dod ers peth amser, byddan o gwmpas y brig diwedd y tymor buaswn yn tybio, ond mi fethodd  eilydd ni, Ntumba Massanka tri chyfle. Rwy’n mynd i Halifax nos Fawrth, dyma fydd fy ymweliad cyntaf i yno. Mae Halifax ar rediad da ar hyn o bryd wedi ennill tair o’r pump diwethaf.

“Roedd y daith i Bortiwgal yn yr haf yn wych, roedd yn dda i weld y clwb yn rhoi amser i’r cefnogwyr, hefyd yn byw ger Porthmadog mae’n wych gweld yr hogyn lleol Leo Smith yn y garfan, yn fy marn i  mi ddylai ddechrau bob gêm. Ond y peth fwyaf rydan ni’r cefnogwyr eisiau ei weld yw Wrecsam nôl yn y Gynghrair pêl droed,” meddai

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.