Wrecsam 1–1 Sutton
Ildiodd Wrecsam gôl hwyr wrth i Sutton United gipio pwynt ar y Cae Ras yng Nghynghrair Genedlaethol Lloegr brynhawn Sadwrn.
Roedd hi’n ymddangos fod gôl gynnar Marcus Kelly’n mynd i fod yn ddigon i’r Dreigiau ond bu rhaid iddynt fodloni ar bwynt yn y diwedd wedi gôl Ross Lafayette yn yr amser a ganiateir am anafiadau ar ddiwedd y gêm.
Ychydig dros chwarter awr o chwarae oedd wedi bod pan roddodd Kelly’r tîm cartref ar y blaen yn dilyn gwaith creu Chris Holroyd.
Ac felly yr arhosodd hi tan y munud cyntaf o’r amser brifo ar ddiwedd y gêm pan rwydodd Lafayette gôl wych i gipio pwynt i’w dîm.
O ganlyniad, mae Wrecsam yn llithro i’r chweched safle yn y tabl.
.
Wrecsam
Tîm: Coddington, Jennings, Smith, Rutherford (Mackreth 88’), Roberts, Pearson, Carrington, Kelly, Wright (Hurst 64’), Holroyd, Reid (Massanka 69’)
Gôl: Kelly 16’
Cardiau Melyn: Pearson 50’, Hurst 68’
.
Sutton
Tîm: Butler, Thomas, John, Walton, Downer, Collins, Bailey, Taylor, Wright (Thomas 75’), Emmanuel (Jeffrey 60’), Lafayette
Gôl: Lafayeette 90+1’
Cerdyn Melyn: Thomas 69’
.
Torf: 4,815