RSS

Golwg360

MwyCau 

FIDEO: Ffanffêr gan y Barry Horns i groesawu cefnogwyr o’r gogledd

Medi 2, 2017 16:16 Diweddarwyd Medi 3, 2017 12:29


Cafodd cefnogwyr pêl-droed y gogledd groeso cynnes i orsaf Caerdydd Canolog, gyda pherfformiad gan fand The Barry Horns.

Wrth i’r cefnogwyr lifo oddi ar y trên ar ddiwedd ei thaith o Gaergybi, roedd parti yn barod amdanyn nhw yng nghwmni band cefnogwyr pêl-droed Cymru i gynhesu’r gwaed cyn gêm Cymru v Awstria yn Stadiwm Dinas Caerdydd heno.

Fel “darlledwyr balch” pob gêm Cymru yn Rowndiau Rhagbrofol Cwpan y Byd 2018, bu S4C yn trefnu gyda’r Barry Horns i roi syrpreis i’r gogleddwyr gyda chymorth Trenau Arriva Cymru.

Gwyliwch y fideo yma:

Roedd y syrpreis yn rhan o’r cynnwrf cyn cic gynta’r gêm dyngedfennol yn erbyn Awstria, sydd ar gael yn rhad ac am ddim i gefnogwyr ar S4C, meddai Gwyn Williams, Cyfarwyddwr Cyfathrebu S4C.

“Does dim llawer sy’n curo gêm ryngwladol gartref, ac roedden ni eisiau ychwanegu rhywbeth arbennig at ddiwrnod y cefnogwyr ar ddiwedd eu taith,” meddai.

“Mae’r Barry Horns yn gallu cychwyn parti yn unrhyw le, hyd yn oed mewn gorsaf drên ac rydan ni’n gobeithio fod y syrpreis wedi codi ysbryd y cefnogwyr yn barod am y gêm. Gobeithio hefyd y bydd y canlyniad yn rhoi rheswm i ddathlu yr holl ffordd adref i Gaergybi heno.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.