Real Madrid yn barod i werthu Gareth Bale

 


Gareth Bale (Llun: Nick Potts/PA Wire)
Mae Real Madrid yn ystyried gwerthu Gareth Bale er mwyn prynu’r ymosodwr ifanc Kylian Mbappe, yn ôl adroddiadau’r Daily Express.

Mae’r chwaraewr 18 oed wedi denu sylw Manchester City a Paris St. Germain hefyd, ac mae lle i gredu bod Monaco yn disgwyl £120 miliwn amdano fe.

Mae’r ffenest drosglwyddo’n cau ar Awst 31.

Gwerthu Alvaro Morata yw’r opsiwn arall sydd ar gael i Real Madrid, ond dydy Man U na Chelsea ddim yn barod i dalu £80 miliwn i’w ddenu.

Tymor anodd

Ar ôl chwarae rhan allweddol yn llwyddiant tîm Cymru yn Ewro 2016, cafodd Gareth Bale dymor anodd yn Sbaen y tymor diwethaf, yn dilyn cyfres o anafiadau.

Cafodd Isco ei ddewis yn ei le ar gyfer rownd derfynol Cynghrair y Pencampwyr yng Nghaerdydd, ond fe ddaeth e oddi ar y fainc tua’r diwedd yn ninas ei febyd.

Mae Gareth Bale yn ennill oddeutu £350,000 yr wythnos ym Madrid, ac mae ei gytundeb presennol yn dod i ben yn 2022.

Mae Man U, Paris St. Germain a Chelsea eisoes wedi mynegi diddordeb yn y Cymro.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd