RSS

Golwg360

MwyCau 

Osian Roberts yn agor Canolfan Sgiliau Porthmadog

Ebrill 22, 2017 11:37 Diweddarwyd Ebrill 23, 2017 08:45


(llun: Tommie Collins)
Cafodd Canolfan Sgiliau Clwb Pêl-droed Porthmadog ei hagor yn swyddogol ddoe gan Reolwr Cynorthwyol Tim Pêl-droed Cenedlaethol Cymru, Osian Roberts, ac Aelod Seneddol Dwyfor Meirionnydd, Liz Saville-Roberts.

Penderfynodd y Clwb alw’r fenter yn ‘Canolfan Sgiliau Osian Roberts’ fel teyrnged i’w cyn rheolwr a fu’n rhan allweddol o lwyddiant y tîm cenedlaethol yn ystod pencampwriaeth Euro 2016. Cyn ymadael â’r ardal i ymuno gyda Thîm Hyfforddi Cymdeithas Pêl-droed Cymru, rheoli tîm pêl-droed Porthmadog yng Nghynghrair Cymru oedd ei swydd.

Mae’r ganolfan wedi bod yn agored ar gyfer cyrsiau ers diwedd mis Medi llynedd ac mae sawl cwrs wedi bod yno, gan gynnwys cyrsiau technoleg gwybodaeth a chyrsiau busnes. Mae 11 person di-waith wedi cael cyfle i ddatblygu sgiliau gwaith ac amryw wedi derbyn cyngor proffesiynol gan Cyngor ar Bopeth. Yn ogystal mae Adran ‘Pêl-droed yn y Gymuned’ yn rhedeg cyrsiau llythrennedd a rhifedd gyda nifer o ysgolion cynradd lleol a rhai degau o fyfyrwyr ifanc wedi elwa o’r ddarpariaeth.

“Mae’n fraint i agor y Ganolfan Sgiliau yn Clwb Pêl Droed Porthmadog, meddai Osian Roberts wrth Golwg360.

Doeddwn erioed yn meddwl y baswn i’n cael fy ngwahodd yn ôl bfynyddoedd ar ôl gadael i agor adeilad fel hyn – a gweld y datblygiadau sydd wedi  eu gwneud oddi ar y cae.

“Mae’n glwb pwysig i’r dref ac i’r ardal, roeddwn yma am saith mlynedd gyda Viv Williams ac roedd yn amser pleserus, cawsom lot o fwynhad yma. Ac yn sicr mae angen diolch i’r gwirfoddolwyr – nifer sy’n dal yma ers fy amser i, hebddyn nhw fyddai’r clybiau ddim yn bod.”

Wrth groesawu’r fenter, dywedodd Aelod Seneddol Dwyfor Meirionydd, Liz Saville-Roberts: “Rwy’n hynod  o falch i weld canolfan fel hon yn agor – yn enwedig ar ôl trafferthion y llifogydd yn ddiweddar. Gobeithio  y bydd canolfan addysg ar sefydliad fel stadiwm pêl droed yn ysgogi a denu pobl i fynychu addysg anffurfiol.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.