Ian Rush yn gafael yn dynn yn nhlws UEFA, Awst 2016
Mae Cymru yn cynnal rownd derfynol Tlws Pencampwyr Ewrop ar Fehefin y drydedd ond cyn hynna mae’r tlws yn mynd ar daith rownd y wlad.
Bydd y tlws yn cyrraedd y brifddinas ar Ebrill 21, gyda gorymdaith o Gastell Gaerdydd i Stadiwm Principality.
Bydd wedyn yn mynd ar daith rownd clybiau pêl droed, ysgolion a mannau poblogaidd.
Mae clwb pêl-droed Y Bala yn falch bod y tlws yn dod i Faes Tegid ddydd Mercher, Ebrill 26. Bydd yno o chwech y nos tan wyth y nos, a bydd noson o ddigwyddiadau yno i ddathlu’r achlysur.
Dywedodd Ysgrifennydd yr Uwchgynghrair, Gwyn Derfel: ”Rwy’n hynod o falch bod y dlws yn mynd rownd clybiau’r Uwchgynghrair. Mae’n ffantastig bod yr holl sylw cael ei rhoi i Gymru a’r gynghrair genedlaethol rhwng nawr a diwrnod y ffeinal.”
Mae clwb pêl droed Y Drenewydd yn falch o groesawu’r tlws ddydd Sadwrn, Mai 6. “Mae hyn yn ffantastig i’r clwb, i gael y tlws enwocaf yn bêl droed Ewrop ar Barc Latham, meddai Swyddog y Wasg, Jonny Drury.
“Rydan yn gobeithio cael achlysur a hanner, ac fel aelodau sylfaenol o’r Uwchgynghrair mae’n wych i’r clwb ar ardal.”
Am Geredigion…
Pan fydd Ceredigion yn croesawu’r tlws dydd Sul nesa’ gyda’r bonws o Dlws Bencampwriaeth y Merched yno hefyd ar Goedlan y Parc, Aberystwyth.
“Mae’n fraint bod bawb ledled y Sir gyda chyfle i weld y tlws enwog, bydd cyfle i bawb tynnu lluniau ar y diwrnod.
“Fel rhan o’r diwrnod bydd diwrnod o dreialon i nifer o oedrannau ar gyfer ymuno ac academi’r clwb am dymor 2017/18,” meddai Russel Hughes-Pickering, Gweinyddwr yr Academi.
Y daith yn llawn
Dydd Sadwrn, Ebrill 22 rhwng 1.30yp a 3yp – Stadiwm Liberty Abertawe
Dydd Sul, Ebrill 23 rhwng 4yp a 8yh – Clwb Pêl-droed Aberystwyth
Dydd Llun, Ebrill 24 rhwng 2yp a 7yh – Clwb Pêl-droed Bangor
Dydd Mawrth, Ebrill 25 rhwng 5yp a 18.30yh – Clwb Pêl-droed Llandudno
Dydd Mercher, Ebrill 26 rhwng 6yh a 8yh – Clwb Pêl-droed Y Bala
Dydd Sadwrn, Ebrill 29 trwy’r dydd – Castell Biwmares
Dydd Sul, Ebrill 30 rhwng 11yb a 5yp – Portmeirion
Dydd Llun, Mai 1 rhwng 6yh a 8 yh – Clwb Pêl-droed Derwyddon Cefn
Dydd Iau, Mai 4 rhwng 10yb a 4yp – canol tref Hwlffordd
Dydd Sadwrn, Mai 6 rhwng 9yb a 11yb – Clwb Pêl-droed Y Drenewydd; rhwng 1yp a 3 yp – Canolfan Hamdden Aberhonddu; rhwng 5yp a 8yh – Clwb Pêl-droed Merthyr Tudful
Dydd Sul, Mai 7 rhwng 10yb a 2yp – Dinbych-y-pysgod
Dydd Llun, Mai 8 rhwng 2yp a 4yp – Casnewydd; rhwng 6yh a 8yh – Stadiwm Cwmbrân