RSS

Golwg360

MwyCau 

Amddiffynnwr Iwerddon yn “ddiolchgar” na chafodd ei anafu

Mawrth 26, 2017 10:54


Neil Taylor (Llun: Nick Potts/PA)
Mae amddiffynnwr canol Gweriniaeth Iwerddon, John O’Shea yn dweud ei fod e’n “ddiolchgar” na chafodd ei anafu yn dilyn tacl flêr arno gan Gareth Bale mewn gêm ragbrofol Cwpan y Byd ddi-sgôr yn Stadiwm Aviva nos Wener.

Torrodd Seamus Coleman ei goes yn dilyn tacl flêr gan Neil Taylor, a gafodd ei anfon o’r cae.

Daeth y dacl honno ar gapten Iwerddon eiliadau’n unig ar ôl y dacl gan Gareth Bale.

Mae Seamus Coleman wedi cael llawdriniaeth ar ei goes ar ôl iddo ei thorri mewn dau le.

Cafodd Gareth Bale gerdyn melyn am ei dacl yntau.

Dywedodd John O’Shea: “Diolch byth ‘mod i’n cerdded i ffwrdd, a dydy hynny ddim yn broblem.

“Dw i wedi cael digon o bwythau yno. Ro’n i’n lwcus o ystyried yr hyn ddigwyddodd i Seamus. Ar noson arall, gallai au gerdyn coch fod wedi cael eu dangos.”

Amddiffyn y Cymry

Mae rheolwr Cymru, Chris Coleman wedi amddiffyn Neil Taylor a Gareth Bale.

Ac mae hynny i’w ddisgwyl, yn ôl John O’Shea.

“Ry’ch chi’n disgwyl hynny, ond yn amlwg o fewn rheswm.

“Pan ydych chi’n chwarae yn erbyn Lloegr, yr Alban neu Gymru, mae’r gemau’n mynd i fod felly. Maen nhw’n gemau ry’ch chi am chwarae ynddyn nhw.

“Fel rheolwr y gwrthwynebwyr, ry’ch chi’n mynd i amddiffyn eich chwaraewyr eich hun.”

Ond dywedodd fod tacl hwyr yn “fater arall”.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.