‘Rhaid capio Ben Woodburn’

 


Ben Woodburn
Mae Dean Saunders wedi dweud bod yn rhaid capio Ben Woodburn yn erbyn Gweriniaeth yr Iwerddon yn ystod yr ornest yn Nulyn wythnos i heno.

Mae rheolwr Cymru, Chris Coleman, wedi dweud nad yw’r ffaith bod Ben Woodburn yn gymwys i chwarae i Loegr, yn rheswm dros gynnwys yr ymosodwr ifanc yn y garfan ar gyfer y trip i’r Werddon.

Y tymor hwn mae’r chwaraewr 17 oed wedi chwarae saith gwaith i Lerpwl, ac er iddo gael ei eni yn Nottingham mae wedi chwarae i dimau dan 16, 18 ac 19 Cymru. Mae yn gymwys i chwarae i Gymru oherwydd bod ei daid, ar ochr ei fam o’r teulu, yn Gymro.

Mae’r ornest yn Nulyn yn gêm enfawr i Gymru wrth iddyn nhw geisio cyrraedd rowndiau terfynol Cwpan y Byd am y tro cyntaf ers 1958.

Er hynny, mae Dean Saunders wedi dweud wrth BBC Radio Wales y gallai ymosodwr ifanc Lerpwl ymdopi â’r gêm.

“Mae ganddo’r agwedd iawn a does dim byd yn ormod iddo. Mae gan y chwaraewyr gorau’r math yna o gymeriad,” meddai Dean Saunders a sgoriodd 22 gôl mewn 75 gêm dros Gymru.

“Nid yw yn edrych fel chwaraewr ofnus di-glem pan mae yn chwarae i Lerpwl. Mae yn chwaraewr talentog sy’n sgorio gôls.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd