Paul Clement “ddim yn beio” golwr am golli i Chelsea

 


Paul Clement
Mae prif hyfforddwr tîm pêl-droed Abertawe, Paul Clement wedi dweud wrth golwg360 nad yw’n beio’r golwr Lukasz Fabianski am y golled yn erbyn Chelsea ddydd Sadwrn diwethaf.

Roedd y sgôr yn gyfartal 1-1 ar yr hanner yn dilyn goliau gan y Sbaenwyr Fernando Llorente a Cesc Fabregas.

Daeth ail gôl Chelsea ar ôl 72 munud ar ôl i Lukasz Fabianski fethu â chlirio’r bêl, gan roi cyfle i Pedro roi’r Llundeinwyr ar y blaen.

Seliodd Diego Costa y fuddugoliaeth i Chelsea ar ôl 84 munud.

Ar ôl y gêm, dywedodd Lukasz Fabianski wrth y BBC: “Fy nghamgymeriad i oedd hwn.

“Dylwn i fod wedi ei dal hi neu ei gwthio hi i ffwrdd.

“Aeth y bêl o dan fy nghorff a dw i ar fai am y gôl.”

Ychwanegodd fod yr ail gôl “wedi lladd y gêm”.

Atebol

Wrth ymateb i’r sylwadau, dywedodd Paul Clement wrth golwg360 ei bod hi’n “bwysig” fod chwaraewyr yn atebol am eu perfformiadau.

Ond ychwanegodd nad yw’n beio’r golwr am y canlyniad.

“Rydych chi eisiau iddyn nhw fod yn atebol am eu perfformiad.

“Ro’n i’n gwybod yn syth pan aeth y bêl i mewn i’r rhwyd ac wrth weld ei ymateb y gallai e fod wedi’i harbed hi.”

Ychwanegodd bod hyfforddwr y golwyr, Tony Roberts wedi dweud wrtho fod Lukasz Fabianski wedi gwneud y penderfyniad anghywir wrth benderfynu a ddylai gasglu’r bêl neu ei gwthio hi i ffwrdd.

“Fe geisiodd e gasglu’r bêl a gwneud camgymeriad, ond roedd e wedi gwneud nifer o arbediadau da iawn cyn hynny, oedd fwy na thebyg yn fwy anodd na’r un aeth i mewn.

“Dw i ddim yn ei feio fe am y golled, fe wnaeth e nifer o arbediadau da ac ers i fi fod yma, mae e wedi bod yn dda iawn.

“Mae e wedi gwneud arbediadau yn ôl yr angen, mae e wedi dod allan i gasglu’r bêl sydd wedi cael ei chroesi yn ôl yr angen ac mae e’n gwneud yn iawn ar y cyfan.”

Fe fydd rhaid i’r golwr fod ar ei orau yfory yn erbyn ymosodwyr Burnley, sy’n cynnwys ymosodwr Cymru Sam Vokes, Andre Gray ac Ashley Barnes.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd