Caerdydd 2–2 Fulham
Bu rhaid i Gaerdydd fodloni ar bwynt wrth i Fulham ymweld â Stadiwm y Ddinas yn y Bencampwriaeth brynhawn Sadwrn.
Fe darodd yr Adar Gleision yn ôl gyda dwy gôl Kenneth Zohore wedi i Fulham fynd ar y blaen yn gynnar, ond yn ôl y daeth yr ymwelwyr gyda gôl Neeskens Kebano’n cipio pwynt iddynt.
Gwrthymosodiad chwim a arweiniodd at gôl agoriadol Fulham wedi ychydig dros chwarter awr o chwarae, Tom Cairney yn bwydo Stefan Johansen a’r gŵr o Norwy’n rhwydo.
Manteisiodd Zohore ar amddiffyn gwan i unioni i Gerdydd hanner ffordd trwy’r hanner ac felly yr arhosodd hi tan yr egwyl.
Rhoddodd y gŵr o Ddenmarc y tîm cartref ar y blaen wedi deg munud o’r ail hanner gyda foli felys ac roedd y tri phwynt yn ymddangos yn debygol.
Ond nid felly y bu wrth i ergyd Neeskens Kebano wyro heibio i Allan McGregor a chropian i gefn y rhwyd.
Mae’r canlyniad yn cadw tîm Neil Warnock yn ddeuddegfed yn nhabl y Bencampwriaeth.
.
Caerdydd
Tîm: McGregor, Connolly, Morrison, Bamba, Richards, Noone (John 86’), Gunnarsson, Ralls, Harris, Hoilett, Zohore
Goliau: Zohore 24’, 56’
Cardiau Melyn: Gunnarsson 41’, Zohore 57’
.
Fulham
Tîm: Button, Fredericks, Kalas, Ream, Malone, McDonald, Johansen, Aluko, Cairney, Piazon (Kebano 25’), Ayite (Cyriac 65’)
Goliau: Johansen 17’, Kebano 68’
Cerdyn Melyn: Piazon 21’
.
Torf: 15,656