RSS

Golwg360

MwyCau 

Grwp cefnogwyr am weld trenau o’r gogledd i gemau Cymru

Ionawr 12, 2017 15:16


Mae grŵp sy’n cynrychioli cefnogwyr pêl-droed y gogledd, wedi trefnu cyfarfod gyda Trenau Arriva Cymru a Chymdeithas Bêl-droed Cymru er mwyn gweld os oes modd trefnu i ffans deithio adref o gemau ar drenau.

Mae’r FSF Gogledd Cymru (Football Supporters Federation) wedi trefnu nifer o fysus i’r gemau catref diweddar, ond mae llawer yn meddwl y byddai pethau’n well o gael trenau’n redeg ar ôl gemau.

“Mae’r ffaith bod rhywun o drenau Arriva wedi cytuno i gwrdd â ni yn ddechrau da,” meddai llefarydd ar ran FSF Gogledd Cymru. “Mi fasa trenau lawr i Gaerdydd ac yn ôl ar ddiwrnod y gemau yn wych, yn enwedig i’r cefnogwyr ger Wrecsam a’r arfordir – eto bydd rhaid bod yn fforddiadwy ac amseroedd call.”

Bwriad y grŵp ydi gwella cysylltiadau rhwng Cymdeithas Pêl-droed Cymru a’r cefnogwyr yn y gogledd, ac mi fydd hyn yn destun trafod nos Iau, Ionawr 26 yn y Cae Ras.

Mae’r grŵp hefyd yn trefnu cludiant i’r gêm holl bwysig yn Nulyn ddiwedd mis Mawrth yn rowndiau rhagbrofol Cwpan y Byd 2018.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.