RSS

Golwg360

MwyCau 

Gôl gyntaf Ben Davies i Spurs yn trechu Villa

Ionawr 8, 2017 18:09 Diweddarwyd am 18:15


Ben Davies (Llun: Golwg360)
Ben Davies gafodd y gorau o frwydr amddiffynwyr Cymru ar White Hart Lane y prynhawn ma wrth iddo sgorio’i gôl gyntaf i Spurs i sicrhau buddugoliaeth o 2-0 dros James Chester ac Aston Villa.

Mae’r canlyniad yn golygu bod Spurs drwodd i bedwaredd rownd Cwpan FA Lloegr.

Gêm ddigon diflas oedd hi yn yr hanner cyntaf, ond roedd y Llundeinwyr yn rhy dda i dîm y Bencampwriaeth yn yr ail hanner, a’r pwysau’n ormod iddyn nhw yn y pen draw.

Daeth gôl Ben Davies ar ôl 71 munud wrth iddo benio ar draws y gôl i guro Sam Johnstone, sydd ar fenthyg yn Villa o Man U.

Naw munud gymerodd hi i Spurs ddyblu eu mantais, gyda Moussa Sissoko yn pasio i Son Heung-min a rwydodd ar ôl 80 munud i sicrhau’r fuddugoliaeth.

Ar ddiwedd y gêm, dywedodd Ben Davies wrth Match of the Day: “Daeth y gôl ar adeg anodd. Roedden ni’n dechrau mynd yn esgeulus, a gwneud cwpwl o gamgymeriadau.

“Unwaith gawson ni’r gôl gyntaf, llwyddon ni i bara’r gêm wedyn.

“Ry’n ni’n disgwyl lot gennym ein hunain. Rhaid i ni gael meddylfryd i ennill ac fe wnaethon ni heddi.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.