Cyn-amddiffynnwr Cymru’n ymddiheuro am sarhau merched

Diweddarwyd am  


Mae rheolwr tîm pêl-droed Northampton a chyn-amddiffynnwr Cymru, Rob Page, wedi ymddiheuro am ddisgrifio gêm ei dîm yn erbyn Bristol Rovers fel “dynion yn erbyn merched”.

Collodd Northampton o 5-0 yn yr Adran Gyntaf brynhawn ddoe ac maen nhw bellach wedi colli wyth allan o’u 10 gêm diwethaf.

Roedd y tîm wedi’u cloi yn yr ystafell newid am hyd at 45 munud ar ôl y gêm.

Ond ar ôl siarad â’r wasg, cyfaddefodd Rob Page fod ei eiriau’n “gwbl annerbyniol”.

Datganiad

Mewn datganiad ar wefan y clwb, ychwanegodd y rheolwr: “Roedd prynhawn Sadwrn yn anodd iawn i bawb.

“Ar ôl y gêm, fe wnes i sylw, wrth siarad â’r cyfryngau lleol, am y gêm yn “ddynion yn erbyn merched”.

“Wnes i sylweddoli ar unwaith fod y sylw hwn yn gwbl annerbyniol. Do’n i ddim wedi bwriadu sarhau unrhyw un a dw i’n ymddiheuro’n llawn os gwnes i achosi sarhad.”

Dywedodd fod ei sylw wedi cael ei wneud “ym merw’r eiliad” ond nad oedd hynny’n esgus.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd