Ewro 2016: ‘cleifion Cymru’n gwella’

 


Chris Coleman (Llun: CBDC)
Mae rheolwr Cymru Chris Coleman wedi dweud ei fod yn disgwyl i dri o brif chwaraewyr y tîm fod yn ffit erbyn eu gêm gyntaf yn Ewro 2016 ddydd Sadwrn.

Dim ond mis yn ôl y torrodd Joe Ledley asgwrn yn ei goes yn chwarae dros ei glwb, ond fe allai nawr fod yn holliach i wynebu Slofacia yn Bordeaux ymhen pedwar diwrnod.

Roedd amheuon hefyd dros ffitrwydd y chwaraewr canol cae Joe Allen (pen-glin) a’r ymosodwr Hal Robson-Kanu (pigwrn) ar ôl i’r ddau hefyd fethu’r gêm gyfeillgar yn erbyn Sweden ddydd Sul.

Ond yn ôl Coleman mae’r tri wedi ymarfer yn iawn yng ngwersyll y tîm yn Dinard, Llydaw heddiw ac fe ddylen nhw fod yn iawn erbyn y penwythnos.

‘Edrych yn dda’

“Mae Joe wedi bod ar y cae, yn gwneud popeth mae’r chwaraewyr eraill wedi bod yn ei wneud,” meddai’r rheolwr wrth drafod ffitrwydd Ledley.

“Os cewch chi gic arno fe, mae’n codi cwestiynau. Ond mae e wedi gwneud union yr un sesiwn, yr un mor hir, popeth yr un peth â’r chwaraewyr eraill. Mae popeth yn iawn.”

Roedd y newyddion yr un mor bositif am Allen a Robson-Kanu, dau chwaraewr sydd hefyd wedi bod yn allweddol dros Gymru yn yr ymgyrch ragbrofol.

“Dydyn nhw heb chwarae ers tipyn, yn amlwg, ond yn gorfforol mae pethau’n edrych yn dda iddyn nhw,” ychwanegodd Coleman.

“Maen nhw’n ymarfer â’r garfan, rydyn ni’n disgwyl iddyn nhw fod yno eto fory ac os yw popeth yn aros yr un peth fe fyddan nhw ar gael ar gyfer y penwythnos.”

Miloedd i deithio

Colli o 3-0 yn Sweden oedd hanes Cymru dros y penwythnos yn eu hunig gêm baratoadol cyn teithio i Ffrainc ar gyfer yr Ewros.

Ond chafodd Bale ddim mo’i ddefnyddio o’r cychwyn, gyda phrif seren Cymru’n dod oddi ar y fainc yn ystod yr ail hanner pan oedd y crysau cochion eisoes ddwy ar ei hôl hi.

Bydd Cymru’n wynebu Slofacia, Lloegr a Rwsia yn eu grŵp gan wybod y gallai hyd yn oed gorffen yn drydydd allan o bedwar fod yn ddigon i sicrhau lle yn y rowndiau nesaf.

Mae disgwyl degau ar filoedd o gefnogwyr Cymru yn Bordeaux ar gyfer gêm gyntaf y crysau cochion yn erbyn Slofacia ar 11 Mehefin, gyda’r gic gyntaf am 6yh amser lleol a 5yh nôl yng Nghymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd