Ewro 2016: Ymarferion gwrth-frawychol yn lleoliad gêm gyntaf Cymru

 


Mae awdurdodau Ffrainc wedi cynnal ymarferion gwrth-frawychol yn y ddinas ble bydd Cymru’n chwarae eu gêm gyntaf yn Ewro 2016.

Bydd tîm Chris Coleman yn wynebu Slofacia yn Bordeaux ddydd Sadwrn, 11 Mehefin, yn eu gêm agoriadol, ac mae disgwyl y bydd dros 10,000 o gefnogwyr Cymru yn y ddinas ar gyfer yr ornest.

Fe fydd Cymru hefyd yn herio Lloegr yn Lens, a Rwsia yn Toulouse, yn eu gemau grŵp eraill.

Ond mae trefnwyr y bencampwriaeth bêl-droed yn wyliadwrus o unrhyw fygythiadau posib ar hyn o bryd yn dilyn yr ymosodiadau brawychol ym Mrwsel fis diwethaf ac ym Mharis llynedd. Mae hynny wedi arwain at gynyddu mesurau diogelwch gan gynnwys cyflogi mwy o swyddogion, a chynnal ymarferion er mwyn gwybod sut i ymateb petai yna ymosodiad.

‘Brawychwr’ â ffrwydron

Fe gymrodd dros 500 o weithwyr brys ran yn y dril diweddaraf ym Mordeaux barodd dros ddwy awr.

Roedd yr awdurdodau wedi trefnu ymosodiad ffug gan ddau grŵp o frawychwyr yn y Place de Quinconces, ble bydd parth cefnogwyr fydd yn dal 62,000 o bobol yn cael ei sefydlu yn ystod Ewro 2016.

Bu gweinidog cartref Ffrainc Bernard Cazeneuve a’r gweinidog iechyd Marisol Touraine yn bresennol yn ystod yr ymarferion, a welodd un ‘brawychwr’ yn rhedeg i mewn i dorf o actorion gyda fest ffrwydrol.

Cafodd ‘brawychwr’ arall ei saethu gan yr heddlu, ac fe gymrodd un arall ddeg o wystlon, yn ôl Sky News, wrth i’r heddlu, y gwasanaeth tân a gweithwyr meddygol ruthro i’r sgwâr i ddelio â’r ‘ymosodiad’.

‘Dim ildio’

Mae disgwyl i filiynau o gefnogwyr o bob cwr o Ewrop deithio i Ffrainc ar gyfer y gystadleuaeth, fydd yn cael ei chynnal ym mis Mehefin a Gorffennaf.

Mewn araith ddiweddar fe fynnodd arlywydd Ffrainc Francois Hollande na fyddai’r ymosodiadau brawychol diweddar yn effeithio ar y gystadleuaeth, gan ddweud na fyddai’r wlad yn “ildio i’r pwysau a’r bygythiad yma”. Serch hynny fe gyfaddefodd rhai o chwaraewyr Cymru yn ystod eu gemau cyfeillgar diweddar fod ganddynt bryderon ynglŷn â diogelwch yn y gystadleuaeth.

Ond cafwyd croeso gan reolwr tîm Cymru, Chris Coleman, i gyhoeddiad trefnwyr y pencampwriaethau UEFA nad oedd unrhyw gynlluniau ganddyn nhw i gynnal gemau y tu ôl i ddrysau caeedig.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd