Ymosodwr Bryste yn cael ei alw i garfan Cymru

 


Wes Burns, dde, a Tom O'Sullivan yn dathlu gol
Mae Cymru wedi cadarnhau bod ymosodwr 20 oed Dinas Bryste, Wes Burns, wedi cael ei alw i’r garfan genedlaethol yn dilyn anaf i David Cotterill.

Fe fu’n rhaid i asgellwr Birmingham dynnu nôl o’r garfan fydd yn herio Bosnia dydd Sadwrn ac Andorra dydd Mawrth nesaf ar ôl anafu llinyn y gâr.

Mae Burns yn symud i’r garfan hŷn o’r tîm dan-21, ble mae wedi chwarae’n rheolaidd dros y blynyddoedd diwethaf.

Ond roedd y cyhoeddiad yn syndod i ambell un, gyda rhai o gefnogwyr Cymru yn holi ar y cyfryngau cymdeithasol pam nad oedd ymosodwr Walsall Tom Bradshaw, sydd wedi sgorio wyth gwaith y tymor hwn, wedi cael ei ddewis.

Carfan gref

Mae Wes Burns yn un o’r chwaraewyr ifanc sydd wedi cael eu gwahodd i ymarfer â thîm cyntaf Cymru yn y gorffennol, fel rhan o’r broses o roi profiad i’r bechgyn ifanc mwyaf disglair.

Dim ond un pwynt sydd ei hangen ar Gymru o’r gemau yn erbyn Bosnia ac Andorra i fod yn saff o le ym Mhencampwriaethau Ewro 2016 yn Ffrainc y flwyddyn nesaf.

Fe allai Burns, sydd yn siarad Cymraeg ac yn gyn-ddisgybl yn Ysgol Gyfun Bro Morgannwg, ennill ei gap cyntaf dros ei wlad yn un o’r ddwy gêm honno.

Cotterill yw’r unig chwaraewr sydd wedi tynnu nôl o’r tîm hyd yn hyn gydag anaf, ac fe ddywedodd is-reolwr Cymru Osian Roberts wrth Golwg360 fod y garfan tro yma’n un o’r cryfaf ers sbel.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd