RSS

Golwg360

MwyCau 

Ap myfyrwyr yn helpu’r Elyrch a’u cefnogwyr

Mehefin 11, 2014 11:14


Mae myfyrwyr o Brifysgol Abertawe wedi helpu i greu ap i wella profiad cefnogwyr clwb pêl droed y ddinas.

Daeth cadarnhad heddiw fod y prosiect rhwng y myfyrwyr gwyddorau cyfrifiadurol a chwmni Software Alliance wedi dod i ben gyda chyhoeddi’r ap.

Bwriad y clwb ar ddechrau’r prosiect oedd dod o hyd i ddulliau newydd o ymgysylltu â’r cefnogwyr mewn ffordd ryngweithiol er mwyn datblygu eu cynllun busnes.

Mae Software Alliance yn arbenigo mewn prosiectau rhwng myfyrwyr a busnesau lleol sy’n datblygu eu strategaethau technoleg gwybodaeth.

Y tri fu’n gyfrifol am ddatblygu’r ap yw Bradley Coles-Perkins, Sam Lucas a Jon Phillips.

Roedd Bradley Coles-Perkins yn gyfrifol am greu ap ar gyfer i-phone Apple a fyddai’n galluogi cefnogwyr i brynu taflenni gwybodaeth gan ddefnyddio’u ffôn.

Datblygodd Sam Lucas gwis rhyngweithiol ar gyfer dyfeisiau Android, ac fe greodd Jon Phillips ap ar y we lle y gallai’r clwb gynnal cystadlaethau i’r cefnogwyr.

Dywedodd is-gadeirydd Clwb Pêl-droed Abertawe, Leigh Dineen: “Rydyn ni’n ymroddedig i fuddsoddi yn y gymuned leol ac mae hyn yn cynnwys buddsoddi mewn pobol a sgiliau.

“Mae Software Alliance a Phrifysgol Abertawe’n adnabyddus am gynhyrchu myfyrwyr TG o’r radd flaenaf felly roedden ni wrth ein bodd o allu defnyddio sgiliau TG sylweddol tri o’u myfyrwyr mwyaf disglair ac ar yr un pryd, rhoi ychydig o brofiad busnes iddyn nhw ar gyfer eu CV.”

Dywedodd Bradley Coles-Perkins: “Bu’n brofiad gwych i weithio gyda’r clwb pêl-droed.

“Rwy wedi cael tipyn o hyblygrwydd a hunanreolaeth sydd wedi fy ngalluogi i fod yn greadigol gyda fy mhrosiect, ond ar yr un pryd, rwy’n gwybod fod gyda fi gefnogaeth y busnes, y brifysgol a thîm Software Alliance.”

Dywedodd cyfarwyddwr prosiectau Software Alliance, Dr Neal Harman fod y prosiect yn un “allweddol”.

Mae’r clwb wrthi’n paratoi i ddatblygu’r prosiectau ymhellach.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.