Cyn-gapten Awstralia yw capten y Tân Cymreig

 
Crys tîm criced Tân CymreigThe Hundred

Crys tîm criced Tân Cymreig

Llun: The Hundred

Daeth cadarnhad mai Steve Smith yw capten y tîm criced dinesig newydd yng Nghaerdydd.

Bydd cyn-gapten Awstralia’n arwain y Tân Cymreig yn ystod tymor cynta’r gystadleuaeth Can Pelen.

Mae’r batiwr llaw dde yn ail ar restr detholion batwyr y byd.

Hefyd yn y garfan mae ei gydwladwr Mitchell Starc, ynghyd â’r Saeson Jonny Bairstow a Liam Plunkett.

Bydd y Tân Cymreig yn herio’r Oval Invincibles ar ddiwrnod cynta’r gystadleuaeth ar Orffennaf 17.

Bydd y gystadleuaeth yn dod i ben ar Awst 15, ond dydy hi ddim yn glir eto a fydd chwaraewyr rhyngwladol Awstralia ar gael am y gystadleuaeth gyfan oherwydd ymrwymiadau gyda’r tîm cenedlaethol.

‘Anrhydedd’

“Mae’n anrhydedd cael cais i fod yn gapten ar y Tân Cymreig ym mlwyddyn gynta’r Can Pelen,” meddai Steve Smith.

“Mae ein carfan yn edrych yn arbennig o gryf gyda chriw da o chwaraewyr sydd wedi dominyddu’r llwyfannau rhyngwladol a domestig dros y blynyddoedd diwethaf.

“Mae Tom Banton yn un o’r chwaraewyr ifainc mwya’ cyffrous yn y byd ar hyn o bryd, ac mae Mitchell Starc yn cynnig rhywbeth arbennig gyda’r bêl, felly rydyn ni’n edrych ymlaen at gynnig sioe anhygoel i’r cefnogwyr yng Nghaerdydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn