Morgannwg eisoes dan bwysau yn erbyn Swydd Gaerloyw

Diweddarwyd am  

Mae Morgannwg eisoes dan bwysau yn eu gêm Bencampwriaeth yn erbyn Swydd Gaerloyw ym Mryste.

Ar ôl colli hanner y diwrnod cyntaf oherwydd y glaw, bydd y tîm cartref yn dechrau’r ail ddiwrnod ar 168 am un, ar ôl i’r capten Chris Dent sgorio 82 heb fod allan i fynd y tu hwnt i gyfanswm o 300 o rediadau yn ei dri batiad diwethaf.

Dim ond 49 o belawdau oedd yn bosib ar y diwrnod cyntaf cyn i’r glaw ddod.

Manylion y diwrnod cyntaf

 Wrth sgorio 61, adeiladodd Miles Hammond bartneriaeth agoriadol o 127 gyda Chris Dent ar ôl i Forgannwg ddewis bowlio’n gyntaf.

Digon gwan oedd bowlio’r sir Gymreig yn y bore, ond fe wellodd ychydig ar ôl cinio, wrth i Miles Hammond gael ei ddal yn safle’r pwynt gan Marnus Labuschagne oddi ar fowlio’r capten David Lloyd.

Roedd wedi cyrraedd ei hanner canred oddi ar 72 o belenni cyn taro ergyd wael wrth golli ei wiced.

Ond roedd Chris Dent a James Bracey eisoes wedi ychwanegu 41 arall at y cyfanswm erbyn i’r glaw ddod ganol y prynhawn.

Cafodd Chris Dent ei ollwng yn y slip ar 58, a chafodd James Bracey ei ollwng yn yr un safle ar 13, gyda’r ddau gyfle’n dod oddi ar fowlio Marchant de Lange.

Roedd Chris Dent wedi cyrraedd ei hanner canred oddi ar 64 o belenni ar ôl taro wyth pedwar.

Aeth y chwaraewyr oddi ar y cae a chael te yn gynnar am 3.10yp, ac fe benderfynodd y dyfarnwyr Rob Bailey ac Ulhas Ghande am 5.35yp na fydden nhw’n gallu dychwelyd.

Bydd Morgannwg yn gobeithio am ail ddiwrnod llai rhwystredig, ar ôl troi at chwe gwahanol fowliwr mewn ymgais i dorri partneriaethau sylweddol.

Sgorfwrdd

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd