Shane Williams yn croesawu Cwpan Criced y Byd i Gymru

Diweddarwyd am  
Shane Williams

Shane Williams

Mae Shane Williams yn dweud ei bod yn bwysig denu digwyddiadau fel Cwpan Criced y Byd i Gaerdydd.

Fe fu’n siarad â golwg360 ar ddiwedd digwyddiad ‘Y Tafliad Mawr’ i groesawu tlws â phêl swyddogol y gystadleuaeth i Gaerdydd, ddiwrnod cyn y gêm gyntaf yn y brifddinas rhwng Seland Newydd a Sri Lanca yn Stadiwm Cymru Caerdydd yng Ngerddi Sophia.

Cyn-asgellwr Cymru a’r Gweilch oedd y person olaf i ddal y bêl a’i thaflu i ofal y stadiwm cyn yr ornest fawr, sy’n dechrau bore fory (dydd Sadwrn, Mehefin 1) am 10.30yb.

Erbyn hynny, roedd y bêl wedi cael ei dal 1,835 o weithiau.

Ar ôl cyrraedd y ddinas ar drên, teithiodd y bêl i Stadiwm Principality, ar hyd afon Taf i Fae Caerdydd ac Eisteddfod yr Urdd, cyn dychwelyd i ganol y ddinas heibio’r castell ac yna i Stadiwm Cymru Caerdydd.

“Mae cael criced yma’n bwysig iawn”

“Rydw i yma heddiw i gefnogi Cwpan y Byd yn dod i’r stadiwm, a fi’n edrych ymlaen i weld cwpwl o gemau,” meddai Shane Williams.

“Mae hwn wedi bod yn brofiad gwahanol i fi, achos rygbi o’n i’n chwarae, a dyma’r tro cyntaf i fi wneud unrhyw beth gyda’r criced.

“Mae’n bwysig gydag unrhyw chwaraeon i’w gael e yng Nghaerdydd. Ry’n ni’n gwybod fod rygbi a phêl-droed rhyngwladol yn dod yma, so mae cael criced yma’n bwysig iawn. Ni’n gallu gweld gyda’r bobol sydd wedi troi lan bo nhw’n meddwl yr un peth hefyd.

“Mae Caerdydd yn edrych ymlaen gyda hyder i ddechrau’r gemau fory, gyda Sri Lanca a Seland Newydd. Fi’n bles iawn i weld timau gorau’r byd yn dod yma. Mae’n bwysig fod hynny’n digwydd.”

Shane yn darogan

Pwy, tybed, mae Shane Williams yn credu fydd yn ennill y gystadleuaeth?

“Fi’n gwybod fod lot o bobol yn siarad am Loegr. Mae momentwm gyda nhw.

“O gael y gemau yng Nghymru a Lloegr, mae’n siŵr mai nhw fydd y ffefrynnau i ennill Cwpan y Byd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd