Morgannwg v Swydd Northampton: llain dda neu wael?

 
Gerddi Sophia

Gerddi Sophia yng Nghaerdydd

Llun: Flickr Rovingsheep CCA2.0

Mae Morgannwg a Swydd Northampton yn anghydweld ynghylch cyflwr y llain yng Ngerddi Sophia ar ddiwedd gêm Bencampwriaeth gynta’r tymor.

Tra bod Matthew Maynard, prif hyfforddwr dros dro Morgannwg, yn dweud ei bod yn “llain dda”, mae Alex Wakely, capten yr ymwelwyr, yn dweud ei bod yn “llain wael”.

Cafodd 1,390 o rediadau eu sgorio yn ystod y gêm, a dim ond 19 o wicedi wedi cwympo.

Dydy hi ddim yn glir ar hyn o bryd a fydd camau pellach ynghylch cyflwr y cae, gyda rhai yn awgrymu y gallai Morgannwg gael rhybudd.

Llain dda neu wael?

“Batiodd y batwyr yn ymosodol ar lain dda, roedd y bowlwyr yn ddisgybledig a phe baen ni wedi manteisio ar ein cyfleoedd yn y maes, yna mae’n bosib y gallai peth fod wedi bod yn wahanol,” meddai Matthew Maynard.

“Allwn ni ddim gwneud sylw ynghylch y ffordd wnaeth Swydd Northampton chwarae ond pe baen ni wedi bod yn eu sefyllfa nhw, bydden ni’n sicr wedi ymosod mwy, wedi cau’r batiad ac wedi rhoi cynnig ar ennill y gêm.”

Ond mae Alex Wakely wedi beirniadu’r llain.

“Ro’n i’n meddwl ei bod hi’n llain wael iawn ac fel y gwelsoch chi, yn anodd iawn i’r bowlwyr gipio wicedi,” meddai.

“Bowliodd ein bowlwyr am amser hir yn y gêm ddiwethaf yn erbyn Middlesex ac yn y batiad cyntaf yma, ac fe wnaeth les iddyn nhw gael seibiant.

“Roedd yn anodd sgorio’n gyflym a doedden ni ddim yn barod i gau’r batiad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd